Онц, аюултай гэмт хэрэгтэнд 10 жилийн ял оноожээ

2017-01-25 12:37:06

Баянхонгор аймгийн Баянхонгор сумын нутагт 2016 оны 09 дүгээр сарын 05-ны өдөр "Шунхлай” ХК-ны шатахуун түгээх станцын талбайд Б-нь Г-тэй марган, улмаар цохиж, хүнд гэмтэл учруулан санаатай алсан гэмт хэрэг үйлдсэн бөгөөд Баянхонгор аймгийн Прокурорын газраас Монгол Улсын Эрүүгийн хуулийн тусгай ангийн 91 дүгээр зүйлийн 91.1 дэх хэсэгт зааснаар яллах дүгнэлт үйлдэж шүүхэд шилжүүлсэн.

Аймгийн эрүүгийн хэргийн анхан шатны шүүх 2017 оны 01 дүгээр сарын 20-ны өдрийн хуралдаанаар хэргийг хянан хэлэлцээд шүүхээс 6 удаагийн ял шийтгэлтэй, хүнд гэмт хэрэгт ял шийтгэгдэжбайсан Б-г шүүхээс онц, аюултай гэмт хэрэгтнээр тооцож, 10 жил 6 сар 10 хоногийн хорих ял оногдуулан, ялыг онцгой дэглэмтэй хорих ангид эдлүүлэхээр шийдвэрлэжээ.

и ргэн

Зургаахан удаа ял шийтгэгдсэн хүнд арвын арван жилийн ял өгөөд яах нь вэ?тэнсэж мэнсээд гаргачихаж болоогүй юм байхдаа.

2017/01/25 139.5.219.155

6 удаа сууж гарч ирээд хүн алж байхад юун 10 жил вэ? Дахиж гарч ирээд хүн алуулмаар байгаа юм уу? Хүнд гэмт хэрэгтэн 10 жил, хөнгөн ч ялгаагүй 10 жил байж юуныхан шудрага ёс байхав дээ.

2017/01/25 1.75.231.85