Завхан аймгийн Улиастай сумын нутгаас Говь-Алтай аймгийн чиглэлд явсан таван иргэн сураггүй алга болжээ. 32-45 ЗАН улсын дугаартай “УАЗ ПЕРМЕР” загварын автомашинтай иргэн 39 настай эрэгтэй Т, 39 настай эмэгтэй Д нар нялх хүүхдийн хамт, мөн 59 настай эмэгтэй А, 20 орчим насны залуу нэр нь тодорхой бус нийт таван хүн өнгөрсөн амралтын өдөр буюу 20-ны сураггүй алга болсон байна. Уг дуудлагыг тус аймгийн Онцгой байдлын газар оройн 21:38 цагт хүлээн авч нийт долоон албан хаагч, техник хэрэгсэлтэйгээр эрлийн ажиллагааг зохион байгуулж эрэн хайх ажиллагааг эхлүүлээд байна.
