Мэргэжлийн сүмогийн 70 дахь их аварга Харүмафүжигийн зурсан зураг 100 мянган ам.доллараар зарагджээ. Энэ талаар Их аварга Д.Дагвадорж цахим хуудаснаа жиргэсэн байна. Тэрээр “Харүмафүжигийн маань нэг зураг 100 мянган ам.доллараар зарагдлаа. Браво” хэмээжээ. Харүмафүжигийн хувьд оны өмнө зураач Н.Заяасайхантай хамтран үзэсгэлэнгээ гарсан бөгөөд бүтээлүүдээ дуудлагаар худалдана хэмээн мэдэгдэж байсан юм. Мөн тэрээр “Бүтээлээс олсон орлогоо Монгол дахь хүнд өвчтэй хүүхдүүдийг эмчлэхэд зориулна” хэмээн мэдэгдсэн байна.
