Өнгөрсөн ням гаригт Замын-Үүдийн боомтоор БНХАУ-ын дугаартай “Прадо-150” машин хил зөрчин орж ирснийг хилчид, цагдаа, тагнуулынхан хамтран саатуулсан байна. Эх сурвалжийн мэдээлснээр уг машинтай этгээд Монголын хилээр нэвтэрч, улмаар Дорноговь аймгийн Замын-Үүдийн сумаас хойш 30-40 км зугтаажээ. Энэ талаар өөр нэг эх сурвалж хил зөрчигч машинтайгаа монголын хилийн торон хаалтыг дайрч орж ирсэн тул хилчид саатуулж чадалгүй Зам-Үүд сум руу алдсан. Улмаар сум дундын цагдаагийн хэлтсийнхэн, хил хамгаалах алба, тагнуулынхан хамтран саатуулж, шалгаж эхэлсэн гэлээ. Хил зөрчигч нь БНХАУ-ын ӨМӨЗО-ын Шилийн гол аймгийн Л.Ж гэх иргэн бөгөөд ямар шалтгаанаар хил зөрчих болсон шалтгаанаа тайлбарлаж чадахгүй байгаа аж.
Монгол улсын хил зөрчсөн Хятад иргэнийг тагнуулын байгууллага шалгаж байна
2017-02-07 12:20:00
