Гэрэл зураг дарахаар яваад осгож амиа алджээ

Сэлэнгэ аймгийн Шаамар суманд очсон нийслэлийн иргэн Г ууланд очиж зураг авахаар яваад осгож амиа алдсан харамсалтай хэрэг гарчээ. Энэ тухай мэдээллийг Онцгой байдлын ерөнхий газраас гаргаад байна.

Тухайбал Сэлэнгэ аймгийн Шаамар сумын Дулаанхаан багийн Дулаанхаан уулын урд энгэр гэдэг газар /сумын төвөөс 2 км-т / Улаанбаатар хотын харьяат иргэн Г /30 настай, эмэгтэй/ энэ сарын 10-ны өдрийн 15:00 цагийн үед уул руу зураг авна гэж яваад одоог болтол ирээгүй байна гэсэн дуудлага маргааш өдөр нь 00:00 цагт аймгийн Онцгой байдлын газарт иржээ. Дуудлагын дагуу Онцгой байдлын газрын 7 албан хаагч, 1 техник хэрэгсэлтэйгээр ажиллаж, тус сумын Дулаанхаан багийн Дулаанхаан уулын Урд энгэр гэдэг газраас осгож нас барсан байдалтай байсныг олж, цогцсыг цагдаагийн байгууллагад хүлээлгэн өгчээ.