Монгол Улсын хоёр иргэн Хятадын хилээр хар тамхи зөөвөрлөн гарах гэж байгаад саатуулагдсан талаар мэдээлэл гарч эхэллээ. Сэжигтний нэгийг Э гэдэг, Бээжин-Улаанбаатар чиглэлийн галт тэргэнд зорчиж явсан төдийгүй хил гарахын өмнөхөн Хятадын цагдаа нар түүний цүнхнээс 72.57 гр метампетамин гэх бодис илрүүлсэн байна. Өөр нэг сэжигтэн Н, Эрээн хотын хил гааль дээр мөн саатуулагджээ. Түүний цүнхнээс 53.56 гр метампетамин, 0.84 гр каннибас буюу олсны ургамал зэрэг мансууруулах төрлийн бодис илэрсэн байна.“Синьхуа” хар тамхи зөөсөн монгол залуусын талаар ийнхүү бичсэн байна.
