Монгол бөхөн гоц халдварт мялзан өвчнөөр хорогдож буйтай холбогдуулан өвчний голомттой нутаг дэвсгэрт сэг зэм устгах цэг байгуулан ажиллаж буй.
Монгол бөхөнгийн тархац нутгийн 80 гаруй хувь нь Говь-Алтай аймагт хамаардаг бөгөөд өвчний голомттой Баян-Уул, Шарга, Хөхморьт, Дарви суманд устгалын найман цэг ажиллуулж байснаа татан буулгасан талаар аймгийн Байгаль орчин, аялал жуулчлалын газрынхан мэдээллээ.
Бөхөнгийн тархац нутаг өрген уудам, 14.000 ам км-ийг хамардаг, энэ том газар нутгийг самнах нь нэлээд хөдөлмөр шаардсан ажил. Тэгээд ч сүүлийн үед бөхөнгийн сэг зэм таарах нь цөөрч буйгаас ийм шийдвэр гаргасан гэнэ. Цагаан сарын дараа уг ажлыг үргэлжлүүлэх юм байна.
