Дөрвөн настай охины үхэлд буруутгагдсан төрсөн эцэг Т.Цогт болон хойд эх Г.Маралмаа нарыг шүүх хурал өнгөрсөн онд болсон билээ. Тус шүүхээс Г.Маралмаад 23 жилийн хорих ялыг эмэгтэйчүүдийн хорих ангид чанга дэглэмтэй хорих ангид эдлүүлэх шийдвэрийг гаргасан билээ. Харин охины төрсөн аав болох хэрэгт холбогдож байсан Т.Цогт буруугүй хэмээн үзэж хэргийг нь хэрэгсэхгүй болгож цагаатгасан билээ. Харин өнгөрсөн баасан гаригт Г.Маралмаа энэ хэрэгт Т.Цогтыг буруутай хэмээн үзэж цагдаагийн байгууллагад гомдол гаргаж, баривчлуулжээ. Ийнхүү хэргийн тухайд шинэ баримт олдсон хэмээн УМБГ-ын Онц хүнд гэмт хэрэгтэй тэмцэх хэлтсээс дахин сэргээж нягталж шалгахаар болжээ.
