Мал, амьтны гоц халдварт "Шүлхий", "Хонины цэцэг" өвчний дэгдэлт нэмэгдэж байгаа тул Сүхбаатар, Дорнод аймаг руу чиглэсэн тээврийн хэрэгслийн хөдөлгөөнийг хаажээ. Тээврийн хэрэгслийн хөдөлгөөнийг өчигдрийн 18:00 цагаас эхлэн хаасан бөгөөд маргааш буюу ням гаригийг дуустал хязгаарлах юм байна.
Мөн үүнээс гадна дөрвөн аймгийн 17 суманд хорио цээрийн дэглэм тогтоосон байна. Тухайлбал, Сүхбаатар аймгийн Эрдэнэцагаан, Асгат, Сүхбаатар, Баяндэлгэр, Түмэнцогт, Мөнххаан сумд, Дорнод аймгийн Матад, Хөлөнбуйр, Булган аймгийн Могод, Гурванбулаг, Дашинчилэн, Рашаант, Дорноговь аймгийн Дэлгэрэх, Сайншанд, Мандах сумд, Сүхбаатар аймгийн Мөнххаан сумын Баянтэрэм баг, Түвшинширээ сум, нийслэлийн Налайх дүүргийн хорио цээрийн дэглэм тогтоогоод байна.
Хорио цээрийн дэглэм 21 хоногоос 3 сар хүртэлх хугацаанд үргэлжлэх юм.
