УИХ-аас Ерөнхийлөгчийн сонгуулийн санал авах өдрийг ирэх зургадугаар сарын 26-нд товлосон билээ. Харин гадаадад байгаа монголчуудын саналыг зургаадугаар сарын 10, 11-ний өдрүүдэд авна. Сонгууль зохион байгуулахтай холбоотой асуудлыг СЕХ, Оюуны өмч, улсын бүртгэлийн ерөнхий газар зэрэг байгууллагууд хариуцаж байгаа аж. Оюуны өмч, улсын бүртгэлийн ерөнхий газар Ерөнхийлөгчийн сонгуульд санал өгөх насанд хүрсэн сонгогчийн нэрсийн жагсаалтын бүртгэлийг гаргажээ. Сонгогч та энэхүү жагсаалтад бүртгэгдсэн эсэхээ нягтлахыг хүсвэл www.burtgel.mn вэб хаягаар орж, шалгах боломжтой юм байна.
