Цэцэрлэг, ерөнхий боловсролын сургууль, дотуур байрын ус, ариун цэвэр, эрүүл ахуйд хяналт тавина. Дүүргүүд дэх Мэргэжлийн хяналтын хэлтсийн хүүхэд, өсвөр үеийн болон орчны эрүүл ахуйн асуудал хариуцсан Эрүүл ахуй, халдвар хамгааллын хяналтын улсын ахлах байцаагч нар сургалтад хамрагджээ. Энэ үеэр хяналт шалгалт, үнэлгээ хийх явцад анхаарах асуудлын талаар улсын байцаагч нар санал солилцсон байна. Нийслэлийн хэмжээнд нийт 108 ерөнхий боловсролын сургууль, цэцэрлэг, дотуур байр дээрхи үнэлгээнд хамрагдах юм.
