Сүхбаатар дүүрэг дэх цагдаагийн нэгдүгээр хэлтсийнхэн хүүхэд хулгайлахыг завдсан гэх этгээдийг өнгөрсөн баасан гаригт саатуулан шалгаж эхэлсэн.
Уг хэрэгт Сүхбаатар дүүргийн долоодугаар хороонд оршин суух хаягтай, 35 настай, эрэгтэй У-г сэжигтнээр саатуулан, мөрдөн байцаалтын ажиллагааг эхлүүлээд байна. Хэрэг сэжиглэгдэж байгаа иргэн У нь 35 настай, багш мэргэжилтэй аж.
Тэрбээр хохирогч хүүгийн сургуульд Түүх, нийгмийн багшаар ажиллаж байгаад хүүхэдтэй буруу харьцаж зодсон гэх үндэслэлээр ажлаасаа халагдаж байжээ. Чухам ямар шалтгаанаар хүүхэд хулгайлахыг завдсан гэх асуудлаар байцаалт өгч эхэлсэн байна. Мөн сүүлийн үед ямар хүмүүстэй хамт байсан гэдгийг нь цагдаа нар тогтоохоор ажиллаж байгаа төдийгүй У.Ууганбаярын сэтгэцийг эрүүл эсэхийг тогтоохоор Шүүхийн шинжилгээний хүрээлэнд хүсэлт гаргасан байгаа ажээ.
