Дорнод аймгийн Хэрлэн сумын харьяат 7 настай хүүг хөнөөсөн этгээдүүдэд тус аймгийн прокуророос яллах дүгнэлт үйлдээд байгаа юм байна. Захиалгаар хүний амь хөнөөсөн гэдгийг мөрдөн байцаалтын явцад тогтоож, хүүг хөнөөлгөсөн С-д Эрүүгийн хуулийн 91.2.3, 91.2.11, 91.2.15, хүүг хөнөөсөн Б-д Эрүүгийн хуулийн 145.2, 91.2.4, 91.2.11, 91.2.15-д үндэслэн прокурорын байгууллагаас яллах дүгнэлт үйлдэж, шүүхэд шилжүүлжээ.
Захиалгат аллага өнгөрсөн 2016 оны есдүгээр сарын 6-7-нд шилжих шөнө Дорнод аймгийн Хэрлэн суманд гарсан юм. Талийгаач хүүгийн эцэг Ц өөрөөсөө насны зөрүүтэй С гэх бүсгүйтэй гэр бүлээсээ гадуур харилцаатай байсан бөгөөд С гэгч нь түүнийг салгаж суухын тулд эл хэргийг үйлдсэн гэнэ. С гэгч эмэгтэй Б-д мөнгө амлаж хүүг хөнөөлгөсөн аж. Хүүгийн амь насыг захиалгаар хөнөөсөн Б нь 18 настай, дунд сургуулиа төгсөөд тодорхой эрхэлсэн ажилгүй байх үедээ хоёр удаагийн хулгайн хэргээр хорих ял шийтгүүлж, тэнсэн харгалзах ялтай байсан нэгэн юм
