Үндэсний эрх чөлөө, тусгаар тогтнолоо сэргээсний баярын түүхт 104 жилийн ой энэ сарын 29-ний өдөр маргааш тохионо. Энэ өдрийг өнгөрөгч 2011 онд Нийтээр тэмдэглэх баярын болон тэмдэглэлт өдрүүдийн тухай хуульд өөрчлөлт оруулсанаар Үндэсний эрх чөлөө, тусгаар тогтнолоо сэргээсний баярын өдөр болгон зарласан билээ. Тэр ч утгаараа энэ өдөр бүх нийтээр амардаг уламжлалтай. Мөн энэ өдөр Монгол Улсын Ерөнхийлөгчийн нэрэмжит цомын төлөөх чансаа өндөр шилдэг 128 бөхийн барилдаан энэ жил тав дахь удаагаа Бөхийн өргөөнд болно. Өмнөх дөрвөн удаагийн барилдаанд Улсын аварга С.Мөнхбат хоёр, Улсын заан М.Өсөхбаяр, Улсын харцага Б.Пүрэвсайхан нар тус бүр нэг удаа түрүүлж, цомын эзэн болж байв. Энэ жилийн хувьд улсын баяр наадам болон заалны барилдаануудад тогтмол амжилт үзүүлсэн шилдэг 128 бөх барилдах аж.
Маргааш бүх нийтээр амарна
2015-12-28 08:33:00