“УИХ-ын Сонгуулийн тухай хуулийн 26.6-д УИХ-ын гишүүнд нэр дэвших бол сонгуулийн жилийн нэгдүгээр сарын нэгний өдрөөс өмнө төрийн албан тушаалаас чөлөөлөгдөнө” гэсэн хуулийн дагуу албан тушаалаа өгөх ёстой.Тэгвэл Засгийн газар өчигдөр ээлжит бусаар хуралдаж зургаан хүнийг үүрэгт ажлаас нь чөлөөллөө. Өөрийн хүсэлтээр үүрэгт ажлаас чөлөөлөгдөх өргөдлөө өгсөн О.Ганбатыг Гаалийн ерөнхий газрын даргын, Д.Ариунсанг Татварын ерөнхий газрын даргын, Р.Эрдэнэбүрэнг Хөдөлмөрийн яамны Төрийн нарийн бичгийн даргын, И.Нарантуяаг Хүүхдийн төлөө үндэсний газрын даргын, Т.Аюурсайханыг Шударга өрсөлдөөн, хэрэглэгчийн төлөө газрын даргын, А.Ариунболдыг Шударга өрсөлдөөн, хэрэглэгчийн төлөө газрын орон тооны гишүүний үүрэгт ажлаас тус тус чөлөөллөө.
Харин Д.Болдыг Иргэний харьяалал, шилжилт хөдөлгөөний ерөнхий газрын даргаар, Д.Мөнхтөрийг Шударга өрсөлдөөн, хэрэглэгчийн төлөө газрын даргаар тус тус томиллоо.Эдгээр эрхмүүд ирэх 2016 оны сонгуульд нэр дэвших гэж буй учир өөрийн хүсэлтээр ийнхүү төрийн албанаас татгалзаж байгаа юм.
