“Ми-8”-ын осолд өртсөн хоёр албан хаагч өнөөдөр хагалгаанд орно

Энэ сарын 23-ны орой Налайх дүүргийн орчимд ЗХЖШ-ын 337 дугаар ангийн сургалтын нислэг үйлдэж байсан “Ми-8” нисдэг тэрэг осолдсон. Ослын улмаас нисдэг тэргэнд байсан 11 цэргийн алба хаагчийн нэг нь амиа алдаж, 10 хүн Батлан хамгаалах, хууль сахиулах алба хаагчдын нэгдсэн эмнэлэгт хүргэгдэн эмчлүүлж байгаа билээ.Өнөөдрийн байдлаар цэргүүдийн биеийн байдал тогтвортой, нэг хүн сэхээнд, бусад нь энгийн тасагт эмчлүүлж буй юм байна. Эмч нар шилбэний хугаралтай, яс нь няцарсан өвчтөний мэс заслын асуудалд анхаарал хандуулан ажиллаж байгаа аж. Өнөөдөр хоёр хүн хөлийн ясны хагалгаа, нэг хүн эрүүний мэс засалд орох юм байна.