“Gallup International” компанийн явуулсан санал асуулгын дүнгээр, хамгийн аз жаргалтай орнуудын Колумб тэргүүлжээ. Санал асуулгад оролцсон колумбчуудын 85 хувь нь аз жаргалтай байна гэж хариулжээ. Колумб улсын дараа Фижи болон Саудын Араб орсон байна. Тус хоёр улсын иргэдийн 82 хувь нь амьдралдаа сэтгэл хангалуун байгаагаа илэрхийлжээ. Жагсаалтын дөрөвдүгээрт, 81 хувь нь амьдралдаа сэтгэл хангалуун байгаагаа илэрхийлсэн Азербайжан улс бичигдсэн байна. Харин тус улсын араас Вьетнам /80 хувь/, Аргентин болон Панама /79 хувь/ оржээ.
