Оффшорчдын эсрэг нэгдсэн хөдөлгөөнийхөн өнгөрөгч бямба гарагт хоёр дахь жагсаалаа хийж, улмаар суулт зарлаад буй. Тэд төр, засгийн шахалт, дээрээс үүрэг чиглэл авсан хууль хяналтынхны дарамт, хүний эрх, эрх чөлөөг зөрчсөн үйлдлүүд байгаа учраас НҮБ-д хандаж, асуудлыг олон улсын анхааралд хүргэнэ гэдгээ мэдэгдсэн байна.
Энэ хүрээнд тэд эхний ээлжинд НҮБ-ын Нарийн бичгийн дарга нарын газарт хандан “Монгол Улсыг мөнгө угаах гэмт хэргийн хар жагсаалтад бүртгэж өгнө үү” гэсэн албан хүсэлтийг илгээсэн байна. Харин энэхүү албан бичгийнхээ хувийгМонгол Улсад суугаа АНУ, БНХАУ, ИБУИНВУ, ХБНГУ, ОХУ, Япоын Элчин сайд нарт тус тус хүргүүлсэн байна.
