Нийслэлийн Засаг даргын Тамгын газраас иргэдэд хандсан нээлттэй хаалганы өдөрлөгийг Д.Сүхбаатарын талбайд зохион байгуулж байна. Энэхүү өдөрлөг өнөөдөр нийслэлийн Засаг даргын хэрэгжүүлэгч агентлаг нийслэлийн Хүүхэд, гэр бүлийн хөгжлийн газар, нийслэлийн залуучуудын хөгжлийн газар, харьяа газруудын арга хэмжээгээр үргэлжилнэ. Үүнд Монголын Хүүхдийн ордон, Монголын Хүүхдийн урлан бүтээх төв, Гэрлэх ёслолын ордон, Хүүхдийн халамж, асрамжийн зэрэг байгууллагууд оролцох аж. Өдөрлөгийн үеэр байгууллагууд хийж хэрэгжүүлсэн ажил, цаашид хэрэгжүүлэхээр төлөвлөсөн ажлын талаар мэдээлэхээс гадна иргэдэд шууд үзүүлэх боломжит үйлчилгээ, зөвлөгөө мэдээллийг хүргэж, сэтгэлзүйн зөвлөгөө, хуулийн зөвлөгөө өгөх юм. Арга хэмжээ Д.Сүхбаатарын талбайд 11.00-16.00 цагийн хооронд болно.
Нээлттэй хаалганы өдөрлөгт:
Монголын Хүүхдийн ордон
Монголын Хүүхдийн урлан бүтээх төв
Гэрлэх ёслолын ордон
Хүүхэд, залуучуудын сургалт хүмүүжлийн тусгай цогцолбор
Хүүхдийн зуслангууд
Хүүхдийн халамж, асрамжийн байгууллагууд
Нийслэлийн 9-н дүүргийн Гэр бүл, хүүхэд, залуучуудын хөгжлийн хэлтсүүд оролцоно.
