Энэ сарын 20-нд БНСУ-ын Кёнгбук цагдаагийн газраас тус улсын нутаг дэвсгэрт автын осол гаргасан Монголын иргэнийг баривчлан түр саатуулжээ. Монгол залуу А нь согтууруулах ундаа хэт их хэрэглэсэн үедээ жолооны ард сууж замын хөдөлгөөнд оролцож явахдаа зам хөндлөн гарч байсан явган зорчигчийг машинаараа мөргөж гэмтээгээд хэргийн газраас зугтсан аж.
Гэвч түүнийг тэр даруй цагдаагийнхан барьсан бөгөөд хэрэг үйлдэх үед түүний цусан дахь согтууруулах ундаа 0.111% буюу хэт согтуу гэж тооцогдох хэмжээтэй байсан гэнэ. Хэргийг шалгаж байгаа цагдаагийн газраас Монгол залуу А нь Солонгос улсад хууль бусаар ажиллаж, амьдарч байсны дээр жолооны үнэмлэхгүй байсныг илрүүлжээ.
