Энэ сард зүрхний төрөлхийн гажигтай зургаан хүүхэд мэс засалд үнэ төлбөргүй орохоор болсон байна. Тодруулбал, Өвөрхангай, Төв аймаг болон Чингэлтэй, Баянзүрх, Баянгол дүүргээс эдгээр хүүхдүүдийг сонгосон бөгөөд БНСУ-д эмчилгээгээ хийлгэх юм байна. Эдгээр зургаан хүүхдийн мэс засал, эмчилгээний зардлыг БНСУ-ын “Сэлвэшн Арми” хариуцах аж. Тус байгууллын Монгол дахь төлөөлөгчийн газрынхан 2008 оноос өөрийн улсын Данвон эмнэлэгтэй хамтран Зүрхний төрөлхийн гажигтай 67 хүүхдийн мэс заслын зардлыг нь даан эмчлүүлжээ.
