АН-ынхан Ерөнхийлөгчид нэр дэвшигчдээ 13.40 минут хүртэл бүртгэв. Ерөнхийлөгчид нэрээ дэвшүүлэхээр Ерөнхий сайд асан Р.Амаржаргал, Гадаад харилцааны сайд асан Л.Болд, УИХ-ын гишүүн асан Х.Баттулга, Ерөнхий сайд асан Н.Алтанхуяг, Хууль зүйн сайд асан Д.Дорлигжав, БНН-ын дарга Б.Жаргалсайхан нар албан ёсоор бүртгүүлсэн байна. Ингээд албан ёсоор бүртгүүлсэн АН-ын горилогчдын бүртгүүлэхдээ хэлсэн онцлох ишлэлүүдийг хүргэж байна.
Нэр дэвшигч Ерөнхий сайд асан Р.Амаржаргал
- Миний хийсэн ажил, энгийн атлаа бүтэн нэртэй
- Намын эгэл жирийн журмын нөхдийнхөө нүүрийг улалзуулж байгаагүй гэдэгт би бүрэн итгэдэг
- Эрх ашгийн эрэмбэ алдагдаж, улсынхаа жинхэнэ эзэн болсон ард түмний эрх хязгаарлагдаж байна.
- Шударга ёсны үнэ цэнэ, үнэт зүйл алга болж мартагдахад хүрч байна.
- Эрх ашгийн эрэмбэ алдагдаж, улсынхаа жинхэнэ эзэн болсон ард түмний эрх хязгаарлагдаж байна.
- Монгол Улс олигархи засаглалын гарт орж байна.
- Монгол Улс хараат бус, хүчирхэг эдийн засагтай, дэлхийн хөгжингүй орны тоонд багтах бүрэн боломж бий гэдэгт би итгэдэг.
Гадаад харилцааны сайд асан Л.Болд
- Ерөнхийлөгчийн сонгуульд нэр дэвшигчийг тодруулах санал асуулгад оролцохоор олон мянган гишүүд дэмжигчид, анд нөхдийнхөө итгэлийг өвөрлөн бүртгүүллээ.
- Монгол нутгийнхаа эрх чөлөөт тавиланг ажиллаж, сурч, бүтээх боломж болгон ашиглаж, монгол залуус уураг тархи, ухаан бодол, сэтгэлгээгээрээ дэлхийд тэргүүлж, шинэ технологи мэдлэгийг бий болгох үндэс суурийг тавина.
- Монголоо байх ёстой өндөрлөгт нь хүргэхийн төлөө өөрийн итгэл үнэмшилдээ тулгуурлан энэхүү шийдвэрийг гаргалаа.
УИХ-ын гишүүн асан Х.Баттулга
- Ардчилсан нам бол том нам.
- Дэмжлэг сайн авах байх гэсэн бодолтой байна.
- УИХ-д гурван удаа сонгогдсон, Засгийн газарт хоёр удаа орж ажилласан надад давуу тал байгаа.
Ерөнхий сайд асан Н.Алтанхуяг
- Би нэр дэвших болсон шалтгаанаа зургаан сарын өмнөөс тайлбарласан.
- Монгол Улс улс шиг улс болж, ард түмэн маань хүн шиг амьдрах хэрэгтэй байна.
- 2012 онд Ардчилсан намын дэвшүүлсэн зорилт хараахан хэрэгжиж чадаагүй, тасарсан.
- Хүн шиг амьдарч, улс шиг хөгжихийн тулд Монгол Улсын Ерөнхийлөгчийн үүрэг оролцоо чухал.
- Харамсалтай нь түүний дагуу явах нь уу, үгүй юу гэдгийг хэлж мэдэхгүй байна.
Хууль зүйн сайд асан Д.Дорлигжав
- Улс төрч хүний хувьд, энэ намыг байгуулалцаж явсан хүний хувьд, Ардчилсан намаа төлөөлж, Монгол Улсын төрийн тэргүүнд өрсөлдөж, цаашдаа өөрийн дэвшүүлсэн зорилтоо хэрэгжүүлнэ.
- Энэ цаг үед миний хийх зүйл хэрэгтэй байна гэж дотроо дүгнэсэн.
БНН-ын дарга Б.Жаргалсайхан
- Нийгмийн амьдралд гол үгүйлэгдэж байгаа юм нь хариуцлага, шударга ёс.
- Үнэхээр маш олон төрийн албан хаагчид зөвхөн төрөөс цалин авдаг мөртөө асар их хэмжээний мөнгийг оффшор дансанд аваачаад хийчихсэн байх жишээтэй.
- Сүүлийн 20 жилд төрийн албан хаагчид асар их эрүүгийн гэмт хэрэгт өртөж байгаа.
- Монгол Улс нийгэм, эдийн засгийн гүн гүнзгий хямралд унахаар байна.
- Би хууль бус юмыг таслан зогсоохын тулд Ерөнхийлөгчийн сонгуульд чөтгөртэй ч хамаагүй нийлж өрсөлдөх ажлыг сонгож явна.
.jpg?1738552570699)
