МАН, АН ирэх сард болох Ерөнхийлөгчийн сонгуульд өрсөлдөх хүнээ тодруулаад байгаа. Харин МАХН-аас намын дарга Н.Энхбаяр өрсөлдөнө гэж байсан ч түүний ялтайд тооцох хугацаа дуусаагүй байгаа учраас боломжгүй гэдэг хариуг Сүхбаатар дүүргийн шүүхээс өгөөд байгаа билээ. Харин хэдэн хоногийн өмнөөс С.Ганбаатар тус намаас нэр дэвшинэ гэдэг мэдээлэл гарсан ч эх сурвалжууд үгүйсгэж байсан. Яг одоо МАХН-ын Бүх ард түмний үндэсний их хуралдай болж байна. Тус хуралд УИХ-ын гишүүн асан С.Ганбаатар оролцож, үг хэлж байна. Магадгүй тус намаас С.Ганбаатар нэр дэвших магадлалтай байна. Маргааш өглөө 10.00 цагт тус намын Бага чуулган болно. Энэ чуулганаар тус намаас Ерөнхийлөгчид өрсөлдөх нэр дэвшигчийг тодруулах юм байна.
МАХН-аас С.Ганбаатар нэр дэвших үү
2017-05-04 17:52:45