Дөрөвхөн настай дагавар охиноо хөнөөсөн хэргээр ял сонссон Г.Маралмаа ШШГЕГ-ын харьяа цагдан хорих 461 дүгээр ангид хоригдож байгаа. Саяхан Г.Маралмаа цагдаагийн албан хаагчид хүчиндүүлсэн гэсэн гомдол гаргасан байна. Г.Маралмаа энэ талаар гомдол гаргахдаа "Халуун усны өрөөнд цагдаа, дэслэгч Б-д хүчиндүүлсэн" гэжээ. Гомдлын дагуу холбогдох албаны хүмүүс хүчиндсэн гэх цагдаагийн албан хаагч Б-гээс ч тайлбар мэдүүлэг авч байсан боловч, цагдаагийн ажилтан гэрээслэл бичиж үлдээгээд амиа хорлосон байна. Тус цагдааг энэ хэргээр шалгаж эхлэхдээ ажлаас нь түр чөлөөлж шалгаж байсан ч хэргийг шалгах явцад гэртээ нас барсан байдалтайгаар олдсон байна. Талийгаач намайг хилс хэрэгт гүтгэх гэж байна хэмээн ойр дотны хүмүүстээ хэлж байсан бөгөөд нэлээд сэтгэл санаагаар унасан байдалтай байсан аж. Тус хэргийг Тусгай субьектын хэлтэст шалгаж байгаа юм байна.