Хос Билгүүн Зул компанийн захирал Б.Зулаа Сарнай бүсгүйн хүүхдүүдийг Сая төгрөгний ажлын байраар хангалаа

Бүхий л баяр ёслолын өдрүүдэд, тэр байтугай өөрийнхөө төрсөн өдрийг өөртөө бус бяцхан үрсэд зориулж, тэдний төлөө бүхий л зүйлээ зориулдаг сайхан сэтгэлт эмэгтэй бол Хос Билгүүн Зул хэмээх жимс жимсгэнэ, нарийн ногоо худалдаалдаг  компаний захирал Б.Зулаа гэх эмэгтэй. Тэрээр саяхан өөрийн төрсөн өдрөөрөө Энэрэл хүүг баярлуулж, эмчилгээнд нь зориулж зардлын ихээхэн хувийг өөрөөсөө хандив болгон өгсөн. Тэгвэл өчигдөр болсон хүүхдийн баяраар Зулаа бүсгүй Баян-хошууны асрамжийн газрын хүүхдүүдийг баярлуулсан байна. Мөн түүгээр ч зогсохгүй 0-16 насны хогийн цэг дээрх амьдралын бололцоогүй 30 гаруй хүүхдийг өсгөж, сургууль цэцэрлэгт явуулж буй Н.Сарнай хэмээх эмэгтэй болон бяцхан үрсийг нь баярлуулжээ. Мөн түүний хүүхдүүдээс 21-25 насны 2 охин, 2 хүүг Хос Билгүүн Зул ХХК нь сарын сая төгрөгийн цалинтай ажлын байраар хангаж цаашдын амьдралд нь тус дэм болж байна.