Дэлхийн өрсөлдөх чадварын судалгааны төв (IMD World Competitiveness Center) 2017 оны индексээ гаргажээ. Чансаанд дэлхийн 63 улс хамрагдсанаас Монгол Улс 100-гаас 48.136 оноогоор 62 дугаарт эрэмбэлэгдсэн байна. Авах ёстой 100 оноог бүрэн хангасан Хонгконг чансааг тэргүүлж, араас нь Швейцарь (99.664) Сингапур (99.488), АНУ (98.656), Голланд (96.548) жагссан байна.
Өрсөлдөх чадварын индексийг гаргахдаа төрийн институциудын үр ашигтай, ил тод байдал, макро эдийн засгийн тогтвортой байдал, боловсролын чанар, бизнесийн төгөлдөршил, инноваци гаргах чадвар зэргийг харгалзаж үздэг бөгөөд дээгүүр эрэмбэлэгдсэн орнуудад дээр дурдсан нөхцлүүд дээд хэмжээнд хангадсан байна гэсэн үг юм.
Жагсаалтын сүүлд манайхтай хамт Грек (57.764), Аргентин, (57.647), Хорват (56.519), Украин (56.126), Бразил (55.820), Венесуэль (32.742) улсууд бичигджээ.
2016 оны тайлан
Олон улсын удирдлагын хөгжлийн хүрээлэнгийн дэргэдэх “Дэлхийн өрсөлдөх чадварын төв”-өөс жил тутам эрхлэн гаргадаг “Дэлхийн өрсөлдөх чадварын жилийн тайлан”-д өнгөрсөн жил манай улс 61 орноос 60-т эрэмбэлэгдэж байсан. Улс орнуудыг өрсөлдөх чадвараар нь үнэлсэн энэхүү тайланг 1989 оноос хойш эрхлэн гаргаснаас хойш дэлхийн хамгийн өрсөлдөх чадвар бүхий эдийн засагтай АНУ сүүлийн 3 жилд анх удаагаа Хонг Конг болон Швейцарь Улсын дараагаар 3-р байрт эрэмбэлэгдсэн.
2016 оны тайлангаас харахад Казахстан улс хамгийн олон буюу 13 байраар ухарсан бол Ирланд Улс 9 байраар урагшилаж байсан. Харин энэ жилийн судалгаагаар жагсаалтын сүүлд манайхтай хамт Грек орж байсан бол өмнө нь 61 орноос 56-д орж байсан. Харин Хонгконг өнгөрсөн жил чансааг тэргүүлж байсан бол энэ жил ч гэсэн байраа алдсангүй.
