Ерөнхий боловсролын арванхоёрдугаар ангийг төгссөн сурагчид маргааш буюу зургадугаар сарын 14-нөөс эхлэн элсэлтийн шалгалт өгөх гэж байна. Элсэлтийн ерөнхий шалгалт монгол хэл бичгийн шалгалтаар эхэлж, зургадугаар сарын 18-нд нийгмийн тухай мэдлэг, физик, орос хэлний шалгалт өгөөд дуусах юм.
Шалгалтын матералыг засах ажил зургадугаар сарын 19-өөс эхлэх бол долдугаар сарын 1-н гэхэд Боловсролын үнэлгээний төвийн eec.mn вэб сайтад бүх оноог байршуулж, сургуулиа сонгон элсэх боломжоор хангах юм байна.
Өнөө жил 40387 залуус элсэлтийн ерөнхий шалгалт өгөхөөр бүртгүүлснээс 87 хувь нь энэ жил арванхоёрдугаар анги төгссөн төгсөгчид юм.
