МАН-ын нэр бүхий удирдлагуудын төрийн албан тушаалыг үнэлэн 60 тэрбум босгох, Тавантолгойг гадныханд зарах замаар мөнгө угаах талаар ярилцаж бичлэгийг олон нийтэд ил болгосон Д.Доржзодовыг өнөөдөр өглөө саатуулахаар цагдаагийн бие бүрэлдэхүүн ажиллаж эхэлсэн талаар нэлээд шуугиан дэгдлээ.
Д.Доржзодов нь учирч болзошгүй эрсдлээс сэрэмжилж, УИХ-ын гишүүн асан Ц.Оюунгэрэлийн гэрт түр нуугдаад байсан аж. УИХ-ын гишүүн асан Ц.Оюунгэрэлийн гэрт Д.Доржзодовыг саатуулахаар очиход түүний нөхөр “Би бол АНУ-ын иргэн. Тиймээс АНУ-ын элчин сайдын яаманд л зөвхөн тайлбар өгнө” хэмээн хаалгаа нээж өгөхөөс татгалзсан учраас саатуулж чадаагүй байна.
Ингэснээр цагдаагийн албан хаагчид УИХ-ын гишүүн асан Ц.Оюунгэрэлийн гэрт нэвтрэх боломжгүй болсон байна.