МАН-ын 60 тэрбум төгрөг босгох тухай хэрхэн ярилцаж байгаа нууц бичлэгийг Г.Доржзодов гэх залуу 2016 оны УИХ-ын сонгуулийн үеэр олон нийтэд цацаж шуугиан тарьсан. Түүнээс хойш Г.Доржзодов гэх залууг тагнаж чагнасан мөн удаа дараа байцаасан талаар өөрийн биеэр мэдээлэл хийсэн. Өнгөрсөн долоо хоногт гэхэд цагдаагийн байгууллага тус залууг баривчлах гэсэн үйл явдал гарч мөн шуугиан тарьлаа. Бичлэг цацагдсанаас хойш МАН-ын гишүүд түүнийг хэрхэн дарамтлах болсон, мөн их хэмжээний мөнгө амлаж, хаана дуудаж хэрхэн уулзсан талаар ч баримттай мэдээллийг тэрбээр олон нийтэд хүргээд байгаа юм.Харин тэрээр өчигдрөөс өөрийн цахим хуудсуудаар дамжуулан 60 тэрбумтай холбоотой асуудлуудыг англи хэл дээр нийтлэн тарааж эхэлжээ.
