Спортын төв ордны "А" зааланд "Turkish Airlines" компанийн нэрэмжит хүндийн өргөлтийн залуучуудын аварга шалгаруулах тэмцээн өнөөдөр эхэллээ. Тэмцээнд 15 багийн 170 гаруй тамирчин эрэгтэй, эмэгтэй тус бүр долоон жинд өрсөлдөж байна. Тус тэмцээнд ОУХМ 16, спортын мастер цолтой 14 тамирчин өрсөлдөж байгаа бөгөөд саяхан Японы нийслэл Токио хотод болсон залуучуудын ДАШТ-д хүч үзсэн гурван тамирчин энэ тэмцээнд оролцож байгаа нь өрсөлдөөнийг улам өнгөлж байна. Тэмцээн маргааш өндөрлөх юм.
