Оюуны өмч, улсын бүртгэлийн ерөнхий газраас Монгол Улсын Ерөнхийлөгчийн 2017 оны ээлжит сонгуулийн сонгогчдын нэрийн жагсаалттай холбоотой асуудлаар мэдээлэл хийлээ.
Улсын бүртгэлийн асуудал эрхэлсэн төрийн захиргааны байгууллага нь Сонгуулийн хуулийн 61.1 –д заасны дагуу Монгол Улсын Ерөнхийлөгчийн 2017 оны ээлжит сонгуулийн Сонгогчдын нэрсийн жагсаалтад Үндсэн 1980052, “Түр хасав” тэмдэглэгээтэй 44833 сонгогчийн мэдээллийг тусган сонгуулийн 1983 хэсгийн санал авах байранд 2017 оны 06 дугаар сарын 01-ний өдөр хүргүүлсэн.
Сонгуулийн тухай хуулийн 61.10, 61.12.1, 61.12.2, 61.12.3, 61.12.4, 65.2, 65.4 дэх заалтыг тус тус үндэслэн “Түр хасав” төлөв сэргээсэн 109, шилжин явсан 2774, шилжин ирсэн 1927, иргэний бүртгэлийн өөрчлөлтөөр 668, нас барсны 1056 буюу иргэний улсын бүртгэлийн мэдээллийн сан дахь нийт 6534 бүртгэлийн лавлагааны дагуу өөрчлөлт оруулснаар 2017 оны 06 сарын 26-ны өдрийн Сонгогчдын нэрийн жагсаалтад Үндсэн 1978294, “Түр хасав” тэмдэглэгээтэй 44724 сонгогч бүртгэгджээ.