Монгол улсын Их Хурлын гишүүн, Хууль зүйн байнгын хорооны дарга Ш.Раднаасэд, Хүнс хөдөө аж ахуй хөнгөн үйлдвэрийн яамны Газар тариалангийн бодлогын хэрэгжилтийг зохицуулах газрын дарга Ц.Болорчулуун, аймаг орон нутгийн удирдлагууд, сумдын мал эмнэлэг үржлийн тасгийн мэргэжилтнүүдтэй уулзалт хийлээ.
Говь-Алтай аймгийн 18 сумын 87 багийн 6903 малчин өрхөд адуу 106.8, тэмээ 38.50, үхэр 71.0, хонь 1107.1, ямаа 2173.9, нийт 3497.4 мянган толгой мал зусаж байна. Нийт 1412.0 мянган эх мал төллөхөөс өнөөдрийн байдлаар 1227.9 мянган толгой мал төллөж, мал төллөлт 90.6 хувьтай, төл бойжилт 99.3 хувьтай байна. 2016-2017 оны өвөл, хавар мал сүрэг 99,2 хувиар онд орлоо. Говь –Алтай аймаг 06 дугаар сарын 20-ны байдлаар 114 га-д төмс, 225 га-д үр тариа, 102 га-д хүнсний ногоо, 672 га-д малын тэжээл, 131 га-д эмийн ургамал, 62 га-д жимс жимсгэнэ нийт 1306 га-д тариалалт хийгдсэн байна. Тариалалт 100 хувь, соёололт 94%-тай байна.
Уулзалтын үеэр хөдөө аж ахуйн салбарын бодлого, чиглэлийг орон нутагт хэрэгжүүлэхэд дэмжлэг үзүүлж Хүнс хөдөө, аж ахуй хөнгөн үйлдвэрийн сайдын багцаас аймгийн ХХААГ-т фургон маркийн автомашин, газар тариалангийн үйлдвэрлэлийг нэмэгдүүлэх, дэмжих зорилгоор Алтай суманд ОХУ-д үйлдвэрлэсэн трактор, 18 сумын Мал эмнэлэг үржлийн тасагт мотоциклийн хөрөнгө оруулалтыг олгосон батламжийг гардуулан өглөө.
