Улсын хэмжээнд өчигдрийн байдлаар 22 түймэр асаж байв. Өнөөдрийн байдлаар Сэлэнгэ аймгийн Ерөө, Хүдэр, Төв аймгийн Батсүмбэр, Эрдэнэ сумдын нутагт түймэртэй байна. Сэлэнгэ аймгийн Мандал сумын нутаг Төмөр замчид багийн Гүнжийн даваа хэмээх газарт гарсан түймрийг энэ сарын 16-нд бүрэн унтрааж “Хандгай нуруу” ойн нөхөрлөлд хүлээлгэн өгчээ.
Харин Төв аймгийн Батсүмбэр сумын Цацралтын ам, Цогт-Өндөр багийн “Мухар”, Үдлэг багийн “Харуул толгой” гэдэг газруудад гарсан гурван түймэр, Булган аймгийн Гурванбулаг сумын “Усны ам” гэдэг газар гарсан нэг түймэр, нийт дөрвөн түймрийг цурманд оруулаад бүрэн унтраахаар ажиллаж байна.
