Монгол Улсын Засгийн газар, ОУВС-тай хамтран өнгөрөгч тавдугаар сараас эхлэн “Өргөтгөсөн санхүүжилтийн хөтөлбөр”-ийг хэрэгжүүлж байгаа.
Тус хөтөлбөр нь 3 жилийн хугацаанд хэрэгжих бөгөөд энэ хугацаанд тус сангийнхан тогтоосон хуваарийн дагуу Монголд ирж ажиллахаар тохиролцсон. Энэ дагуу ОУВС-гийн ажлын хэсэг манай улсад ажиллаж байна. Тэд энэ сарын 19-нд Сангийн яаманд ажиллажээ. Өөрөөр хэлбэл, уг хөтөлбөрийн хэрэгжилт, үр дүнг хянахаар ирсэн аж.
