16o
Улаанбаатар хот
mobile menu

Эхийн сүүний ач тусыг мэддэггүй А.Цогцэцэг сайд огцорч байгаа нь сайшаалтай

2017-08-29 16:38:00

Энэ засгийн газар огцрох нь тодорхой болоод буй энэ өдрүүдэд Эрүүл мэндийн сайд А.Цогцэцэг огцорч байгаад олон хүн баяртай байна. Учир нь анхнаасаа л худал хуурмагаар ажлаа эхэлж, хувийн эмнэлэгтэй мөртлөө “Ашиг сонирхлын зөрчилгүй” гэсэн тодорхойлолт АТГ-аас гаргуулж сайдын сэнтийд заларсан энэ хүн сайдаар ажиллах хугацаандаа сайнаасаа илүү саарыг бүтээсэн учраас тэр юм. Түүний хийсэн олон балагаас ердөө ганцыг нь энд өгүүлье.  А.Цогцэцэг хэмээгч нь ЭМС-ын сайдаар томилогдсоныхоо дараа “Нялх, балчир хүүхдийн хүнсний тухай” хуулийг санаачилж, хуулийн хэлэлцүүлэг нь багагүй хэл ам дагуулж байсныг манай уншигчид санаж байгаа. Энэ хууль 2017 оны 7 сарын 1-нээс хэрэгжиж эхлээд байна. Уг хуулийн хэлэлцүүлгийн шатанд нь УИХ-ын гишүүн О.Баасанхүү “Хуулиар нийгмийн харилцааг зохицуулдаг болохоос зан үйлийг оролддоггүй юм. Гэтэл эх, үрийн хоорондох зан үйлийг үүгээр зохицуулах гээд байх юм. Төрөлхөөсөө хөхний сүүгүй хүнд тэгээд хуулийн хариуцлага хүлээлгэх хэрэг үү? Эмэгтэйчүүдийг доромжлоод байгаа юм уу. Гоо сайхнаа бодож хүүхдээ хөхүүлдэггүй хүмүүс Барууны орнуудад л байдаг биз. Ингэж хууль хуулдгаа болих хэрэгтэй” гэдгийг сануулж байсныг хэвлэлд мэдээлсэн. Тэгвэл энэ хуульд эмэгтэй гишүүд нь хэрхэн хандаж байсан бол?

Хувийн ашиг сонирхол нь хэтийдсэн эрүүл мэндийн сайд бидэнд хэрэгтэй юу? 

Хачирхалтай нь эрхэм эмэгтэй гишүүд нь эх үрийн харилцааг хатуу хуульчлахад санал нэгдэж байв. УИХ-ын гишүүн Ц.Цогзолмаа “Хуульд хүүхдээ хөхөөр хооллох нь чухал гэдэг санаа агуулагдаж байгаад баяртай байна. Тухайн ээж хүүхдээ хөхүүлж чадахгүй зайлшгүй шалтгаантай байвал орлуулагч бүтээгдэхүүн хэрэглэж болно. Бусад тохиолдолд хөхөөр хооллох ёстой гээд хуульчлаад өгчихвөл хөхөөр хооллолт нэмэгдэнэ” гэсэн санал хэлсэн байдаг. Гэтэл уг хуульд “Энэ хуулийн зорилт нь хүүхдийг эхийн сүүгээр хооллохыг дэмжих бодлогыг тодорхойлох, эрүүл, аюулгүй хүнсээр хангах, түүнд хяналт тавихтай холбогдсон харилцааг зохицуулахад оршино” гэсэн эхлэл бичигдсэн атлаа ганцаас бусад бүх заалт нь зөвхөн эхийн сүү орлуулагч бүтээгдэхүүний тухай байгаа нь хачирхалтай. Энэ хууль тэр чигтээ л эхийн сүү орлуулагч бүтээгдэхүүн болон нярай хүүхдийн хоол тэжээлийн төрөл зүйлийн бизнесийг, түүний дотор импортыг дэмжих хууль болжээ. Хуулийн зүйл заалтуудаас харвал Ц.Цогзолмаа гишүүний ойлгож, дэмжин хэлж байсанчлан “хөхөөр хооллолтыг нэмэгдүүлэх” биш харин “эхийн сүү орлуулагч бүтээгдэхүүний хэрэглээг нэмэгдүүлэхэд чиглэгдсэн” хууль болох нь үг, өгүүлбэр, зүйл заалт бүрээс нь анзаарагдана. Тэгэхээр энэ хуулийн ачаар хүүхдээ хөхөөр тэжээх нь нэмэгдэх бус, харин эхийн сүү орлуулагч бүтээгдэхүүний хэрэглээ улам нэмэгдэх, импорт нь геометрийн прогрессоор өсөх, улмаар үйлдвэрлэл бизнес болон өргөжих гэж буй үнэр илт мэдрэгдэж байна.

Хуульд хэд хэдэн ноцтой заалт бий. Хамгийн түрүүнд уг хуулийн 3.1.6.-д “нялхсын сүүн тэжээл” гэж зургаан сар хүртэлх насны хүүхдэд зориулж энэ хуулийн 3.1.4-т заасан стандартын дагуу үйлдвэрлэсэн амьтан, ургамлын гаралтай сүү, сүүн болон тэдгээртэй адилтгах бүтээгдэхүүнийг хэлнэ хэмээн заасан. Тэгвэл ургамлын гаралтай ямар сүүгээр монголчууд хүүхдээ тэжээж байсан юм бэ? Эсвэл тэжээгээд байгаа юм бэ? Гаднаас оруулж ирсэн эхийн сүү орлуулагчийг генийг өөрчлөлттэй эрдэнэшиш г.м ургамлаар бэлтгэсэн эсэхийг манай манай лабораториуд тогтоож чадах уу, үгүй юу гэсэн асуулт энд тавигдаж байна. Мөн сүүтэй адилтгах бүтээгдэхүүн гэж чухам юуг хэлээд байгаа нь ч тодорхой бус хэвээр үлдлээ. Хуулийн хэлэлцүүлгийн үеэр УИХ-ын гишүүн Н.Амарзаяа “Хуулийн төслийг дэмжиж байна. Эрүүл мэндийн яам ийм санаачилга гаргаж, хуулийн төсөл боловсруулж орж ирсэнд баяртай байна. Малын сүүгээр эхийн сүү орлуулах бүтээгдэхүүн хийдэг болохын төлөө Хүнс, хөдөө аж ахуй, хөнгөн үйлдвэрийн яам ажиллаарай” гэсэн саналыг хэлж байсан. Амьтны гаралтай сүүний хувьд манайхан үнээ, ямааны сүүгээр хүүхдээ угжиж өсгөдөг уламжлал бий. Гэвч хэт европ жишиг тогтоохоор улайрч буй энэ засгийн газрын ЭМС-ын сайд А.Цогцэцэг бэлчээрийн малын сүүгээр нялх балчир хүүхдийн хүнс хийж болохгүй хэмээн дөвчигнөж ч мэдэхээр байгаа. Хэрвээ гаднаас оруулж ирсэн, хашаандаа тэжээлгээд л байж байдаг фермийн үнээний сүүгээр нялх балчир хүүхдийг тэжээнэ гэх юм бол том аюул нүүрлэж буй нь тэр юм. Стресстэй, хүчжүүлсэн тэжээлээр бордогддог малын сүүг бэлчээрийн монгол малын сүүтэй адилтгах боломжгүй гэдгийг Эрүүл мэндийн сайд л хамгийн түрүүнд ойлгох ёстой баймаар санагдана. Гэтэл тийм биш аж. Бизнесийн ашиг орлого л чухал болохоос, монгол хүүхдүүд нялх нярайгаасаа эхлэн генийн өөрчлөлттэй, магадгүй химийн хорт бодистой ч байж мэдэх юугаар хийсэн нь үл мэдэгдэх сүүн тэжээлээр угжуулсаар өсөж торних нь түүнд огт хамаагүй аж. Өөрөө эх хүн байж эх үрийн хоорондох зан үйлийг хуульчлан боомилох замаар европ жишгийг нутагшуулж, монгол хүний удмын санд аюул учруулахыг зэхэж буй А.Цогцэцэг сайдын шунал үнэхээр хэрээс хэтэрч байна бус уу? Үндэсний гэсэн бүхнээ үгүйсгэн, гаднын соёлыг сохроор дагаж хувийн ашиг сонирхолдоо хэт автсан ийм Эрүүл мэндийн сайд бидэнд хэрэгтэй гэж үү?

Ахиад ийм хүнийг эрүүл мэндийн сайдаар бүү томилоосой 

2015 оны 7 сарын 1-нээс эхлэн хэрэгжиж байсан “Эхийн сүү орлуулагч бүтээгдэхүүний тухай” хуулийг хүчингүй болгож байгаад “Нялх, балчир хүүхдийн хүнсний тухай” хууль санаачлан батлуулах “их ажил” хийсэн А.Цогцэцэг сайд шинэ хуулиараа ямар шинэ санаачилга гаргав гэдгийг баримт түшин өгүүлье.

  1. 15.2.Амаржих газар, тасаг нярай хүүхдийн хоол тэжээлийн хэрэгцээг хангах зорилгоор эхийн сүүний нөөцийн банк байгуулж, ажиллуулна.
  2. 15.3.Эхийн сүүний нөөцийн банк байгуулж, ажиллуулах журмыг эрүүл мэндийн асуудал эрхэлсэн Засгийн газрын гишүүн батална.

Тэгэхээр энэхүү хэт өрөөсгөл заалтын дагуу эхийн сүүний нөөцийн банк байгуулах юм бол юу болж хувирахыг одоохондоо таахад ч бэрх юм. Хөхний сүүгээр дамжиж халдвар авах магадлалтай учир бусдын хүүхдийг хөхүүлдэг ээжүүд багассан өнөө үед, эхийн сүүний банк бүрдүүлэгч эхчүүд гэсэн хэсэг хүмүүс гарч ирэх юм шиг байна. Тэгээд тэдгээр хүмүүс эрүүл мэндийн бүрэн үзлэгт хамрагдаж байж сүүгээ банкинд нийлүүлэх байх л даа. Гэвч бүгд эрүүл мэндийн үзлэгт хамрагдаж чадах уу? Тэдгээр эхчүүд бүгд 100 хувь эрүүл байх магадлал хэдэн хувьтай вэ? Тэгээд ч эхийн сүүг хэд хоног хадгалж болох вэ? гээд олон асуулт тавигдана.

Уг нь эхийн сүү бол хүүхдийн биед шаардлагатай уураг, тос, нүүрс ус, эрдэс бодис, аминдэмүүдийг хамгийн зохистой харьцаагаар агуулдаг. Эхийн сүүг хүүхэд хөхнөөс шууд хөхдөг учир муудах, хуучрах, бохирдох аюул байхгүй. Харин тэр олон хүний хөхний сүүг хадгалаад ирэхээр чанар, аюулгүй байдлын асуудал зайлшгүй яригдах болно шүү дээ. Тодруулаад асуухаар, “Сүү ихтэй ээжийн сүүг авч хадгалаад сүүндээ цадахгүй байгаа нярайд дамжуулж өгөх банк” гэсэн тайлбар хэлж үүнийгээ олон улсын жишиг хэмээн тайлбарлаж суух нь бүр ч хачирхмаар. Ямар улсын туршлагыг хуулсан юм бол доо? Хүүхдийг эхийн сүүгээр тэжээх бодлого нь энэ л бололтой юмаа даа, янз нь. Гэтэл бас эхчүүд хүүхдээ хөхөөр хооллох боломжгүй бол эмчийн бичгээр, зөвшөөрөлтэй эмийн сангуудаас эхийн сүү орлуулагч бүтээгдэхүүн авах тухай заалт тус хуулинд бий. Энэ заалт эхийн сүү орлуулагч бүтээгдэхүүний хэрэглээг л өсгөн нэмэгдүүлнэ үү гэхээс, эхийн сүүгээр хооллохыг дэмжин дэлгэрүүлэх нь юу л бол.

Эсвэл эрүүл мэндийн даатгалын сангаас хөнгөлөлттэй үнээр олгодог эмийн адил хөнгөлөлттэй үнээр олгох гээд байгаа юм уу? Тэгэхээр эхийн сүү орлуулагч нь өөрөө “эм” болж таарна биз дээ. Эмээр хүүхдээ угжих болж байна уу, тэгээд? Ядаж л эхийн сүү орлуулагчийг байнга худалдаж аваад байх боломж эхчүүдийн хэдэн хувьд нь байгааг эрхэм сайд гуай ер нь тооцож үзсэн юм болов уу? Ямар гарц, шийдлийг бодож олсон болоод ийм заалтууд хуульд оруулаад батлуулчихсан байгаагаа төдийлөн сайн тайлбарлаж чадахгүй хэрнээ, “олон улсын жишиг” гэдэг үгээр халхавч хийж суугаа нь хачин санагдахгүй байна гэж үү?

Уг нь манайд “Хүүхдийн сүүний газар” орон даяар ажиллаж, хүүхдээ хөхөөр тэжээх боломжгүй эхчүүд тэндээс сүү авч хүүхдээ угжин өсгөсөөр ирсэн туршлага бий. Тэр ч байтугай хүүхдийн нэмэлт тэжээлийг олон нэр төрлөөр нь тэнд л үйлдвэрлэдэг байсан. Энэ мэт сайн туршлагаа дахин сэргээхийн оронд, гаднаас импортоор оруулж ирэх эхийн сүү орлуулагч болон бусад төрлийн импортын бүтээгдэхүүний хэрэглээг улам нэмэгдүүлэх замаар, хүүхдийг эхийн сүүгээр тэжээх бодлого хэрэгжүүлнэ хэмээн эндүүрч суугаа Эрүүл мэндийн сайдыг юу гэж ойлгох вэ? Аз болж энэ засгийн газар огцорч байна. Ахиад ийм хүнийг Эрүүл мэндийн сайдаар бүү томилоосой. Эхийн сүү болоод эх үрийн хоорондох зан үйлийн талаар өчүүхэн ч ойлголтгүй, үндэсний уламжлалаа уландаа гишгэн хэт барууны үзэлд автсан, хувийн ашиг сонирхол нь хэтийдсэн, мэдлэг чадвар муутай, асуудал шийдэхийн тулд нуухыг нь авах гээд нүдийг нь сохолдог сайд А.Цогцэцэгээр дуусгавар болох болтугай. Эрүүл мэндийн яамыг мэргэжлийн ёс зүйтэй, анагаахын өндөр боловсролтой хүнээр удирдуулж, монгол хүний удмын сангаа хамгаалсан эрүүл мэндийн бодлогыг хэрэгжүүлэн, дэлхийн хөгжилтэй хөл нийлүүлэн алхах хэмжээнд хүргэх цаг нэгэнт болжээ.

Э.Дөлгөөн 

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
zocin
Asgui dee zailaa.yu
2017/08/31 202.9.41.190
Garts
Sots uyees hoish eruul mendiin saidaar neg ch oligtoi khun boloogui.
2017/08/30 66.181.188.198
odoo bayartai
Tsogoo odoo sain amarch avaarai. Tgd emnelgee sain ajilluulaarai! Amjilt!
2017/08/30 202.179.26.12
Сайдын мэдлэгт
6 sar hurtel huhuur hoolloson Huuhed gedesnii uvchnuur uvduh ersdel 9-25 dahin, hatgaagaar uvduh ersdel 3-10 dahin baga, huhuur hoolloson huuhed hoolloogui huuhdees amidrah chadvar 14 ih bdag!!!!!!!!!
2017/08/30 27.123.214.83
кү
энэ балай авгай зайл
2017/08/30 66.181.164.214
Цогоо баяртай Adios!
Хувийн эмнэлгээ сайн ажиллуулаарай. Чи чаднаа. Амжилт
2017/08/30 202.179.24.239
Амжилт Цогоо
НҮБ-ын гол хуулийн концессоор хийсэн хуул гэсэн үү? Хөөрхөн юм яридаг сайд шүү
2017/08/30 202.179.24.239
сайдын найз
сайд бас гадаадаас эм ханган гийлүүлж оруулж ирдэг компанитай, сайд бас эм үйлдвэрдлэг эмийн үйлдвэртэй. Сайдынхаа үйллдэврлэсэн эм тос шахмал, гаднаас оруулж ирдэг эмүүдийг д авч хэрэглэж байгаарай
2017/08/30 202.179.24.239
сайдын найз
Сайдын аптекууд Улсын 1-р эмнэлэг дотор, UBH Center дотор, Аллерги мед хувийн эмнэлэг дотор нь байдаг. Хүмүүсээ сайдынхаа аптекуудаас л эмээ авч байгаарай.
2017/08/30 202.179.24.239
цогоо одоо болио
12 давхар хувийн арьс, харшлын эмнэлэгтэй, тэрэндээ сая албан тушаалаа урвуулан ашиглаж элэгний вирүс тоолох шинжилгээ хийх эрх олгож даатгалын мөнгө цохиж байгаа хүн дээ
2017/08/30 202.179.24.239
зочин
Энэ засгийг яах аргагүй муухай харагдуулж байгаа хэдэн сайд нарын нэг яалттчгүй мөн. Мэддэггүйгээ мэдэхгүй байх нь энэ хорвоогийн хамгийн булай зүйл дээ.
2017/08/30 202.179.24.239
аймшиг
Энэ байж байгаа хум хурууг нь ээ. Харц нь ч нэг биш. Яг л алаад хаячмаар байна гэсэн шиг заналтай харж байна. Энэ хүн нэг бишээ
2017/08/30 202.179.24.239
Зочин
Эхийн сүүний ач холбогдлыг мэддэгүйдээ хүүхдийг эхийн сүүгээр хооллохыг дэмжсэн хууль санаачилах уу? Үнэхээр муухай гүжирдэх юм аа, ёс зүй гэж үнэхээр алга аа.
2017/08/30 103.212.118.250
Ваву
Олон хуухдийн эндэгдэл,сонгуулийн уеийн олон эмч нарын осол тендер концес зэргийг АТГ-ээр шалгуулж хариуцлага тооцох хэрэгтэй
2017/08/30 112.72.11.101
123
хэний хамаатан садан нь огт хамаагүй,хамгийн гол нь ард түмнийхээ эрүүл мэндийн төлөө яваа хүнийг нам бас бус хов зөөгчдийн хорон үг атгаг санаагаар түлхэж унагаах гэж зүтгэдэг муу санаа их бна
2017/08/30 202.179.27.117
Хазайхаар нь түлхэнэ ээ гэж. Юунд тэгэж байдаг юм. Хүний үнэргүй новш вэ.
Монгол
2017/08/30 103.229.121.157
zochin
За яах гэж нэгнийгээ дандаа ингэж байдгийн. Хөдөөний сувилагч шиг имежтэй . Хөөрхөн л төрийн сайд ш дээ...
2017/08/30 202.70.34.244
иргэн
энхболд худыгаа сайд хийгээд үзчих гээд саймшраа биз
2017/08/30 202.70.46.215
Зочин
Сайд болохоор санаархагч эсвэл хууль гарснаар бизнес нь хаагдсан амиа хичээгч нар мэдлэг муутай сэтгүүлч хөлсөлжээ. Буруу ташаа мэдээ, гүтгэлэгээр хол явахгүй шүү
2017/08/30 103.212.118.250
Зочин
Хууль энэ линк дээр байна. http://legalinfo.mn/law/details/12654?lawid=12654 Дөлгөөн гэсэн нэртэй мэдлэг муутай сэтгүүлчээр захиалгаар бичүүлсэн энэ мэдээлэл нь эсрэгээрээ л байна даа.
2017/08/30 103.212.118.250
zochin
Ooroo eh yavsanaa martsan yum b.h daa..gadnii biznesiig demjeed b.dag shal balai emee bna..gadaad.s oruulj irdeg hohnii suu orluulagch company.diin lobbind nam tsohiuuljl dee
2017/08/29 202.70.46.216
zochin
Oo ene avgai chne lobbnii sai d sh dee..Nymaagiin Enhbold gishuunii hud gee biz dee..
2017/08/29 202.70.46.216
zochin
yostoi demii hun, uls tur geheeree iim sonin hun tomildog yum baih daa
2017/08/29 66.181.188.203
зочин
Угаасаа ийм хууль манай гаригийн ямар ч улсад байдаггүй юм. Толгой муут цогцэцэг юугаа ч мэдэхгуй НҮБ-ын гол хуулийн концесс гэж яриад улс даяар булиагаа чирж Ерөнхий сайдынхаа нүүрийг бараа биздээ кк
2017/08/29 27.123.214.119
Zochin
Harin ch dajgui ajillaj bga said shuu dee.Yaagaad ingej bicheed bn.Ursuldugchid l bhdaa
2017/08/29 66.181.180.222
Zochin
Ene huuhnii medleg hegjliin alhaag guitsehgui baina. Eruum mendiin system hurdan eerchlegdeh heregtei baina, EMD telsen bol emchilgeegee avdag,.zardlaa teluuldeg bolmoor baina
2017/08/29 66.181.182.215
сайдаа
баяртай
2017/08/29 103.229.120.90
Иргэн
Огцруулах малнудын нэг нь мөн
2017/08/29 202.9.43.29
balai avgai nar
balai avgai
2017/08/29 43.228.129.223
  • Recent
  • Most Read
  • Most Comment
Санал асуулга
Монгол Улсын Ерөнхийлөгч Х.Баттулга 2020 оны УИХ-ын сонгуулийг хойшлуулах нь зүйтэй хэмээн уриалга гаргалаа. Та дэмжиж байна уу? Дэмжиж байна

Нийт санал өгсөн: 45