МАН үргэлж “ашигтай наймаа” хийж иржээ. Точоод байвал дуусахгүй. Заримыг нь зах зухаас нь дурдвал, Төрийн албыг наймаалцсан алдарт 60 тэрбум, сайд нарын хувааж авсан 807,8 тэрбумын концессын гэрээ. Энэ бол тоо дурдагдсан “ашигтай наймаа” юм. Энэ аргаар тэд нэлээдгүй “хөлжсөн”. Өөр нэг арга МАН-ын авлигалчдад бий. Хэн нэгэнд хариуцлага тооцож ажлаас нь чөлөөлдөг. Оронд нь өөрийн хүнээ тавьдаг арга юм. Энэ нэлээд сонгомол болов ч түгээмэл арга. За бараг аль ч засгийн үед байсан, одоо ч байгаа гэхэд болно. Гэхдээ үнийг МАН-ынхан илүү хийдэг. Үүний хамгийн сүүлийн үеийн тод жишээ гэвэл Нийслэлийн МАН-ын хорооны дарга Ц.Сандуй өөрийн хүсэлтээр ажлаа өгч байгаа явдал юм.
Гэхдээ үнийг МАН-ынхан илүү хийдэг. Үүний хамгийн сүүлийн үеийн тод жишээ гэвэл Нийслэлийн МАН-ын хорооны дарга Ц.Сандуй өөрийн хүсэлтээр ажлаа өгч байгаа явдал юм
Анх төрийн албыг наймаалцсан 60 тэрбумын бичлэг ил болох үед эвлүүлэг, гүтгэлэг, сонгуулийн хар PR гэх мэтээр тайлбарлаж байсан. Хууль хяналтын байгууллагаар шалгуулна гэдгээд ч мэдэгдсэн. Гэхдээ 60 тэрбумын бичлэг эвлүүлэг биш, бодит гэдгийг удаа дарааллан баримттайгаар ил болж байсан. Ц.Сандуй ч өөрөө хэд хэдэн удаа ийм зүйл болсон, яригдсан нь үнэн гэдгээ хүлээн зөвшөөрсөн. Энэ цаг үеэс л МАН-ын “ашигтай наймаа” хоёрдугаар хувилбартаа шилжсэн. Учир нь өнгөн хэсэгтээ 60 тэрбумын хэрэгт холбогдоод байгаа Ц.Сандуй өөрийн хүсэлтээр ажлаа өгч, хариуцлага хүлээж байгаа юм. Харин нөгөө талаас нь харвал төрийн албыг наймаалцсан 60 тэрбумын хэргийг дарах гэж Ц.Сандуй өөрийн хүсэлтээр ажлаасаа огцорч байгаа юм биш биз. Ц.Сандуй өөрийн хүсэлтээр гэх хоёрхон үгээр 60 тэрбумын гэмт хэргээс мултрах гэсэн арга заль уу. Эсвэл Засгийн газрыг огцруулахгүй гэсэндээ Ц.Сандуйг ийм сонголт хийхэд хүргэв үү. МАН-ын авлигалчдын хувьд Ц.Сандуй жижиг “жараахай” байв уу.
Ц.Сандуй өөрийн хүсэлтээр гэх хоёрхон үгээр 60 тэрбумын хэргээс мултрах гэсэн арга заль уу. Эсвэл Засгийн газрыг огцруулахгүй гэсэндээ Ц.Сандуйг ийм сонголт хийхэд хүргэв үү. МАН-ын авлигалчдын хувьд Ц.Сандуй жижиг “жараахай” байв уу.
Учир нь УИХ дахь МАН-ын бүлгийн хурал өнгөрсөн наймдугаар сарын 29-ний эхэлж 2 өдөр хаалттайгаар хуралдсан. МАН-ын бүлэг хуралдаанаараа Засгийн газрыг огцруулах эсэхээ эцэслэх байсан. Бүлгийн хуралдаан дууссаны дараа Төрийн байгуулалтын байнгын хороогоор Засгийн газрыг огцруулах асуудлыг хэлэлцэж. Энэхүү хуралд нийт 17 гишүүн оролцсноос 8 гишүүн зөвшөөрч, 9 нь огцруулахыг эсэргүйцсэн юм. Улмаар Төрийн байгуулалтын хороо Засгийн газрыг огцруулах шаардлагагүй гэсэн шийдвэр гаргасан. Хуулиараа бол УИХ-ын чуулганаар Засгийн газрыг огцруулах асуудлыг хэлэлцэнэ. Уг хурлаар Засгийн газар огцрох нь тодорхой болсон. Засгийн газрыг огцруулах хамгийн том шалтгаан нь төрийн албыг наймаалцсан 60 тэрбумын бичлэг яахын аргагүй мөн. Тиймээс Ц.Сандуйг өөрийн хүсэлтээр ажлаа өгөх шийдвэр гаргаж байгаа мэт харагдуулж “гал унтраах” гэв үү. Эсвэл Ц.Сандуйгийн оронд илүү өөр нэг өөрийн хүнээ тавих нь МАН-ынханд илүү ашигтай юу.
Д.Болор
