Израйлийн таван уулчин Алтай Таван Богд ууланд аялж байгаад дөрөв хоног сураггүй болсны дараа холбоо барьсан тухай мэдээлсэн билээ. Тэгвэл ОБЕГ-аас хамгийн сүүлд дараах мэдээллийг өглөө...
Гадаадын иргэд цасанд боогдсон, саатсан зүйлгүй. Таван уулчны нэгнийх нь биe тавгүйрхсэнээс гадаад иргэд ууланд гүйцэд авиралт хийгээгүй буцаж ирсэн байна.
Дуудлагын дагуу Баян-Өлгий аймгийн Онцгой байдлын газрын Эрэн хайх аврах бүлэг 18:05 цагт Алтай таван богд уулын байгаль хамгаалагчийн хяналтын цэг дээр хүрэлцэн очиход гадаадын таван иргэнийг Зэвсэгт хүчний 303 дугаар ангийн Ми 171 нисдэг тэргээр авч явсан талаар тэднийг авч явсан хөтөч нь мэдээлжээ. Нисдэг тэрэг Ховд аймгаас хөөрсөн байна.
