Өнгөрсөн ням гаригт халдлага үйлдэж, 59 хүний амь насыг хөнөөж, 500 гаруй хүнийг гэмтээж бэртээсэн Паддокийн найз бүсгүй түүнийг " маш эелдэг, халамжтай, нам гүмхэн" нэгэн байсан хэмээн хэлжээ.Стефен Паддокыг халдлага үйлдсэнээс хойш хоёр хоногийн дараа Marilou Danley гэх түүний найз бүсгүй АНУ-д ирсэн аж. Паддокийн найз бүсгүй халдлага болсоны дараа шоконд орсон байхдаа "Би түүнд хайртай байсан, түүнтэй хамт нам гүмхэн амьдралыг хүсэж байсан " хэмээн хэлсэн байна.
Хатагтай Данли сайн дураараа Филиппинээс Лос –Анжелест өнгөрсөн 2 дахь өдөр Холбооны мөрдөх товчоотой уулзахаар иржээ. Мөн үүнээс гадна хоёр долоо хоногийн өмнө Паддок найз бүсгүйдээ “гэр бүлтэйгээ уулз” хэмээн онгоцны билет авж өгсөн байжээ.
Мөн гэмт этгээд найз бүсгүйгээсээ 100,000 доллар (75,400 фунт стерлинг) байшин худалдаж авна гэж хэлээд авсан аж. "Би баярлаж байсан, гэхдээ тэрнийг надаас салах гэж байна гэсэн айдас жаахан байсан. Тэрнийг мөнгө авахад нь ийм зүйл хийхээр төлөвлөж байсныг нь ерөөсөө гадарлаагүй байсан” хэмээн найз бүсгүй нь хэлжээ.
