Өнгөрсөн амралтын өдрүүдэд үргэлжлэн орсон цасны улмаас Дархан Уул аймгийн чиглэлд үзэгдэх орчин хязгаарлагдаж, замын хөдөлгөөнд хүндрэл үүссэн.
Үүссэн нөхцөл байдалтай холбогдуулан Зам, тээврийн хөгжлийн сайдын үүрэг гүйцэтгэгч Д.Ганбатын тушаалаар Дархан-Уул аймгийн чиглэлийн авто зам, замын байгууламжийг түр хаагаад байгаа юм. Тодруулбал, Дархан-Уул-Улаанбаатар, Дархан-Уул-Орхон, Дархан-Уул-Сэлэнгэ чиглэлийн авто зам, замын байгууламжийг өчигдөр 22.00 цагаас эхлэн өнөөдөр 09.00 цаг хүртэл түр хаагаад байна.
