Монгол Улсын Дээд шүүх өнөөдөр Г.Дэнзэн нарт холбогдох хэргийг хэлэлцэж байна. Г.Дэнзэнгийн шүүх хуралдаан өглөө 9 цагт эхэлсэн боловч, түүний өмгөөлөгч үйлчлүүлэгчийнхээ шүүх бүрэлдэхүүнээс татгалзаж байгаа хүсэлтийг уншиж танилцуулсан байна. Хэд хоногийн өмнө Г.Дэнзэн хорих ангиас Дээд шүүхийн Ерөнхий шүүгчид хандаж шүүх хуралдаанд өөрийн биеэр оролцох шүүхэд оролцох, тухайн үед юу болсон талаар бүх үнэнийг хэлнэ гэсэн утгатай хүсэлт гаргасан. Г.Дэнзэнгийн шүүх бүрэлдэхүүнээс татгалзах хүсэлтийг хэлэлцэн шийдвэрлэх хүртэл шүүх хуралдааныг түр хойшлууллаа.
