Дэлхийн ур чадварын 44 дэх тэмцээн Арабын нэгдсэн Эмират улсын Абу Даби хотноо энэ сарын 14-18-ны өдрүүдэд амжилттай зохион байгуулагдаж өндөрлөлөө. Тэмцээнд нийт 77 гишүүн орны 1300 оролцогч, 51 төрлөөр өрсөлдөж шилдгээ шалгаруулсан байна. Тус тэмцээнд манай улс мужаан, гагнуур, өрөг угсралт, цахилгаан, сантехник, тогооч гэсэн зургаан мэргэжлээр өрсөлдсөн аж. Гагнуурын төрөлд оролцсон Ж.Жанлав-Ойдов дөрөв хоногийн хугацаанд дөрвөн даалгавар гүйцэтгэсэн бөгөөд 700 оноогоор шагналт байрт шалгарчээ.
