Улсын онцгой комиссын хуралд МУГТ, уулын спортын олон улсын хэмжээний мастер Б.Гангаамаа оролцлоо. хуралд МУГТ, уулын спортын олон улсын хэмжээний мастер Б.Гангаамаа хэлэхдээ “Отгонтэнгэр ууланд Монголын уулчид авиралт хийгээд 60-аад жил болж байгаа. Нөхцөл байдлын хувьд одоо авиралт хийх улирал биш. Цас ороод хатуураагүй байгаа. Тийм учраас цасан нуранги үүсэх магадлал маш өндөр. Эрсдлийн байдлыг үзэхэд тэд маань хоёр хоночихлоо. 10 дугаар сарын сүүл болсон байна. Цаг агаар маш их хүйтэрсэн байгаа. Ямар нэгэн бэртэл гэмтэл авсан бол тэд ямар ч майхан савгүй, хоол хүнсгүй байгаа болохоор маш их хүндрэл үүссэн байгаа болов уу. Би яг нөхцөл байдал дээр очиж хараагүй болохоор сайн мэдэхгүй байна. Цас нурахыг тэр болгон урьдчилж таамаглах боломжгүй. Гэхдээ өдийд цас нурах үе мөн үү гэвэл мөн. Би нэг л юманд харамсаж байна. Яах гэж тэгж олуулаа нэг олсонд орж, энэ үед явсан юм бол доо гэдэгт харамсаж байна. Амьд байвал тэднийг яаралтай аврах хэрэгтэй байна. Байгалийн давагдашгүй хүчин зүйл гэж хэлж байгаа ч цас нурсан тохиолдолд хэрвээ амьд мэнд үлдсэн хүн байвал хэн нэгэн нь бусдадаа туслах боломжтой байж болно. Гэхдээ бууж байх үед осол гарсан болохоор өмссөн хувцас, жижиг үүргэвчтэйгээ, ус байвал уугаад дуусгачихсан. Хүнс байвал идээд дуусгасан байгаа.
Б.Гангаамаа: Нэг олсонд яах гэж ийм олуулаа явав аа, харамсаж байна
2017-10-23 12:04:00