Отгонтэнгэр ууланд Уулын спортын мастер Н.Сүрэнжаваар ахлуулсан 27 иргэн авиралт хийгээд буух явцад цасан нуранги үүсч, 17 уулчин сураггүй болсон тухай мэдээлэл гарч эрлийн баг шуурхай ажиллаж байгаа. Эрлийн баг шуурхай ажиллаж, 3 уулчны цогцосыг олсон талаарх мэдээллийг хүргэсэн билээ. Тодруулбал Улсын Онцгой комиссын төлөөлөгч сэтгүүлчдэд эхний гурван хүний цогцос олдсон тухай мэдээлсэн бол МҮОНТВ-ээс очсон сурвалжлах багаас 6 хүний цогцос олдсон тухай мэдээ ирүүлсэн байна. Тус мэдээллийг Аймгийн онцгой комиссийн гишүүн утсаар мэдээлжээ. Энэ талаар Онцгой Байдлын Ерөнхий Газараас албан ёсны мэдээлэл өгөх үүднээс яг одоо хэвлэлийн бага хурал хийх гэж байна.
“Отгонтэнгэр”-оос зургаан хүний цогцос олдсон талаар мэдээ ирүүлжээ
2017-10-23 15:10:00