"Гачууртын "Харгиа" амралтын газрын дэргэд "Туул" голын усанд эрэгтэй хүний цогцос байна гэсэн мэдээлэл өчигдөр буюу энэ сарын 22-ны 16:34 цагт онцгой байдлын газарт ирсэн байна. Энэхүү мэдээллийн дагуу Нийслэлийн аврах ангийн албан хаагчид ажиллаж цогцсыг гаргаж, цагдаагийн байгууллагад хүлээлгэн өгчээ.
Одоогийн байдлаар тухайн эрэгтэйн нэр, нас, оршин суух хаяг тодорхойгүй байгаа аж.
