Завхан аймгийн Отгон сумын “Отгонтэнгэр” хайрханд 17 иргэн ор сураггүй алга болсон харамсалтай хэрэг гарсан. Улмаар арван иргэнийг нас барсан байдалтайгаар олсон юм. Тодруулбал, ОБЕГ-ын харьяа Аврах тусгай ангийн хоёр алба хаагч, хоёр уулчинтай бүлэг өчигдөр 11:15 цагт уулын зүүн урд зүгээс авиралт хийж эхний цогцсыг 11:30 цагт, 2 дах цогцсыг 11:34 цагт, 3 дахь цогцсыг 11:40 цагт, 4 дэх цогцсыг 13:07 цагт, 5 дах цогцсыг 14:28 цагт, 6, 7 дахь цогцсыг 15:10 цагт, 8, 9, 10 дахь цогцсыг 15:45 цагт тус тус олсоноо мэдээлсэн юм.
Аврагчид осолдсон иргэдийн цогцсыг 3200-3400 метрийн өндрөөс буулгажээ.
Улмаар үзэгдэх орчин хязгаарлагдсан тул 17:00 цагт Отгонтэнгэр ууланд эрэн хайх ажиллагааг зохион байгуулж байсан бүлгүүд бууж, өнөөдөр өглөө 06:00 цагийн үед эрэн хайх ажиллагааг эрт үргэлжлүүлжээ. Одоо ажиллагааг үргэлжилж байна.
