“Сансар” сүлжээ дэлгүүрийн хамт олон Бяцхан хүүд туслах аяныг эхлүүллээ

2017-10-25 16:09:00

“Сансар” сүлжээ дэлгүүрийн хамт олон нийгмийн хариуцлагаа ухамсарлан “Бизнесийн хариуцлага-Сэтгэлийн хандив” аяныг зохион байгуулж, тус аянд нэгдэн бяцхан хүүд туслахыг компаниудад уриалж байна.

Энэхүү аянаар дамжуулан Мэдрэлийн эсийн хорт хавдартай хэмээн оношлогдсон 5 настай бяцхан хүү Б. ТЭМҮҮЛЭНД туслах бөгөөд өдгөө БНСУ-ын Самсунг эмнэлэгт 7 сарын турш хүнд өвчинтэйгээ, хүүхэлдэйн киноны эсрэг дүрийн баатартайгаа тулалдаж байна гэж төсөөлөн биендээ байхгүй тэвчээр, зоригийг гарган ээж аавтайгаа хамтдаа хэвтэн эмчлүүж байгаа юм.

Энэ хүүг онцолж буйн учир нь Б.Тэмүүлэн хүүд нийт 11 удаагийн химийн эмчилгээ, 2 удаагийн чөмөг шилжүүлэх хагалгаа, 1 удаагийн хавдар авах хагалгаа төлөвлөгдөж өдгөө 9 дэх химийн эмчилгээ, хавдар авах хагалгааг амжилттай даваад байна. Үлдсэн бүх эмчилгээ, шинжилгээ нь 750 сая төгрөг болж байна. 30 хүрч яваа залуухан аав ээжийн балчирхан үрд сэтгэлийн дэм, олон хүний хүч, хайрыг үзүүлэхээр Сансар” сүлжээ дэлгүүрийн хамт олон хүүгийн ар гэр, найз нөхдийн хамт 2 сарын турш хүүд туслах аянаа өрнүүлж эхлээд байна.

Мөн “Сансар” сүлжээ дэлгүүрийн толгой компани болох “”Алтан жолоо группийн 1500 гаруй ажилтан албан хаагчид нь хандивын аянд группээрээ нэгдэхээс гадна Сансар” сүлжээ дэлгүүрийн салбар бүрт бяцхан хүү Б.Тэмүүлэнд тусалцгаая аян, хандивын хайрцгийг сайн санаат хүмүүсийн дэмжлэгийг мөн авахаар байршуулаад байгаа билээ.

Хэрэв та болон танай байгууллага энэхүү аянд нэгдхийг хүсвэл доорхи хаягаар холбоо барьж, дэмжлэг үзүүлээрэй.