С.Зоригийг хөнөөсөн захиалагчийг ил болгох боломжгүй
ТЕГ-аас С.Зоригийг хөнөөсөн хэргийн талаар яг одоо мэдээлэл хийж байна. ХЗДХ-ийн сайд Ц.Нямдорж сайдын тамгаа гардсаны дараагаар С.Зоригийг хөнөөсөн хэргийн захиалагчийг ил болгох шаардлагыг тавина хэмээн хэлж байсан. Тэгвэл энэ асуудаар ТЕГ мэдээлэл хийж байна. ТЕГ-аас мэдээлэл өгөхдөө “Захиалагчид холбогдох хэрэг дуусаагүй байна. Ил болгох боломжгүй. Баримтаа гаргаад тавих боломжгүй. Бидний дараагийн арга хэмжээнд саад болно” гэсэн мэдээллийг өглөө.
ТЕГ-ын дарга Б.Хурц: Эрдэнэтэд Анхбаяр гэдэг этгээдээр дамжуулж 42 сая долларын бараа нийлүүлсэн байдаг
Ц.Нямдорж гуай С.Зоригийн хэргийг дандаа цагдаагаас салгаж ирсэн. Ц.Нямдорж гэж хүн энэ ажлын хэсгийг дөрвөн удаа тараасан. Улс төрийн зорилгоор. Ц.Нямдорж гуай сайд болохоороо дандаа Тагнуулын байгууллагаар оролдож эхэлдэг. Энэ хүн өөрөө хууль зөрчдөг. Одоо тэр нь эхэлж байна. Ц.Нямдоржид Н.Алтанхуяг, Д.Дорлигжав гэсэн бүлэглэл бий. Тэд Эрдэнэтэд 42 сая ам.доллах шахаа хийсэн баримт бий. 2004, 2005, 2006 онуудад энэ хүн Эрдэнэтэд Анхбаяр гэдэг этгээдээр дамжуулж 42 сая долларын бараа нийлүүлсэн байдаг. Улс төр болон бусад зорилгоор Ц.Нямдорж нөлөөлж байна. Өмнө нь сайд байхдаа юу хийж байсан, сайд болохоороо юу хийдэг вэ гэвэл хэн нэгнээр хууль санаачлуулж, өргөн барьж, Тагнуулын ерөнхий газрын эрх мэдэл, бүх зүйл рүү халддаг. Өөрөө хууль зөрчдөг. Сайд байхдаа Эрдэнэтийн асуудлаар Д.Дорлигжав 800 гаран мянган ам.долларын асуудалд орж тэр хэрэг замхарсан. Иймэрхүү асуудал их бий. Цэндийн Нямдорж гэж хүн гадны тусгай албатай холбоотой байсан уу, үгүй юу. Энэ хэргийг бид буцаж шалгасан. Энэ хэргийг бид нууцлалын зэргээс гаргаж болохоор болсон гэж үзэж байгаа. Гадны тагнуултай холбоотой хэрэг өөрөө их хэцүү. Бид энэ асуудлаар баримтат кино хийж гадны тусгай албадаас сэрэмжлүүлэх хэрэгтэй юм байна.
42 баримт алдагдсан нь үнэн. Тиймээс энэ хэргийг бид шалгаж байгаа. Хүүхэд нь Анхбаяр, хуурай дүү Анхбаяр гэж хоёр Анхбаяртай Ц.Нямдорж гэж хүн холбогдож байгаа. Нэг Анхбаяртай холбоотой офшорын асуудал яригдаж байна. Энэ нь хүү биш хуурай дүү Анхбаяр нь офшорын асуудалтай холбогдоод байгаа шүү.
С.Зоригийн хэргийн захиалагчид холбогдох хэрэг дуусаагүй. Хэргийг шалгаж дуусаагүй байхад хэргийн материалыг ил гаргаад тавьчихвал юу болох билээ. Баримтаа гаргаад тавих боломжгүй".Ц.Нямдорж гэж хүн хоёрхон л асуудал ярьж байгаа. Өөрөө Эрдэнэтэд шахааны бизнестэй.
У.Хүрэлсүх Шадар сайд байхдаа, өөрийнх нь амь насанд халдах гээд байх шиг байна гэсэн гомдол манайд ирүүлсэн. Түүнийг нь бид шалгасан. Тодорхой хүн дагасан гэдгийг нь бид холбогдох хуулийн байгууллагад шилжүүлсэн.
ТЕГ-ын Мөрдөн байцаах хэлтсийн дарга Бархасбадь
1998 оны аравдугаар сарын 2-ны өдөр С.Зориг бусдад алагдсан тухай хэвлэл мэдээллийн хэрэгслээр хангалттай мэдээлсэн. Гэтэл сүүлийн үед хэвлэл мэдээллийн хэрэгслээр энэ хэрэг нь зохиомол хэрэг байсан тухай бичих боллоо. Нотлох баримтын хүрээнд шийдэгдсэн энэ хэрэг хилс, хэлмэгдүүлсэн хэрэг байна гэж мэдээлж байгааг залруулах хэрэгтэй. Гэмт хэргийг гүйцэтгэгчтэй холбоотой хэрэг эцэслэгдсэн ч, захиалагчтай холбоотой хэрэг мөрдөн байцаалтын шатанд явж байгаа учраас мэдээлэл өгөх боломжгүй хэмээн хэллээ.