ТЕГ-ын дарга мөрдөн байцаах хэлтсийн дарга Бархасбадь болон ТЕГ-ын дарга Б.Хурц нар мэдээлэл хийсэн.
ТЕГ-ын дарга Б.Хурц мэдээлэл хийх үеэрээ Ц.Нямдорж гуай С.Зоригийн хэргийг дандаа цагдаагаас салгаж ирсэн. Ц.Нямдорж гэж хүн энэ ажлын хэсгийг дөрвөн удаа тараасан. Улс төрийн зорилгоор. Ц.Нямдорж гуай сайд болохоороо дандаа Тагнуулын байгууллагаар оролдож эхэлдэг. Энэ хүн өөрөө хууль зөрчдөг. Одоо тэр нь эхэлж байна. Ц.Нямдоржид Н.Алтанхуяг, Д.Дорлигжав гэсэн бүлэглэл бий. Тэд Эрдэнэтэд 42 сая ам.доллах шахаа хийсэн баримт бий. 2004, 2005, 2006 онуудад энэ хүн Эрдэнэтэд Анхбаяр гэдэг этгээдээр дамжуулж 42 сая долларын бараа нийлүүлсэн байдаг. Улс төр болон бусад зорилгоор Ц.Нямдорж нөлөөлж байна. Өмнө нь сайд байхдаа юу хийж байсан, сайд болохоороо юу хийдэг вэ гэвэл хэн нэгнээр хууль санаачлуулж, өргөн барьж, Тагнуулын ерөнхий газрын эрх мэдэл, бүх зүйл рүү халддаг. Өөрөө хууль зөрчдөг. Сайд байхдаа Эрдэнэтийн асуудлаар Д.Дорлигжав 800 гаран мянган ам.долларын асуудалд орж тэр хэрэг замхарсан. Иймэрхүү асуудал их бий. Цэндийн Нямдорж гэж хүн гадны тусгай албатай холбоотой байсан уу, үгүй юу. Энэ хэргийг бид буцаж шалгасан. Энэ хэргийг бид нууцлалын зэргээс гаргаж болохоор болсон гэж үзэж байгаа. Гадны тагнуултай холбоотой хэрэг өөрөө их хэцүү. Бид энэ асуудлаар баримтат кино хийж гадны тусгай албадаас сэрэмжлүүлэх хэрэгтэй юм байна гэсэн мэдээллийг өгсөн.
Тэгвэл энэ асуудлаар ХЗДХ-ийн сайд Ц.Нямдорж мэдээлэл хийж байна. Ц.Нямдорж хэлэхдээ "Би Б.Хурц хэвлэлийн хурал хийсэн гэж сонссон. Зул бөхөхийнхөө өмнө жаахан бамбарлаж асдаг. Тэр л болж байгаа болов уу гэж бодож байна. Цэвэр улс төрийн зорилгоор мэдээлэл хийлээ. Тагнуул биш гэдгийг баталсан шүүхийн тогтоол байна. Нам дамжсан бүлэглэл бүрэн бүрэлдэхүүнээрээ байж байна. 49 хүн байна. Н.Алтанхуягт хэллээ. Бүлэглэлийнхээ учрыг нь олж гэж хэллээ. Ер нь их сандарч байгаа юм байна. ТЕГ-ын дарга солигдоно. Ерөнхий сайдтай ярилцаж байгаа. Б.Хурц өнөөдөр өөрийгөө илчилсэн хэвлэлийн бага хурал хийлээ. Тагнуулын байгууллага бүх гишүүдийг тагнаж чагнадагаа илчилчихэж байгаа юм бишүү. Ингэх тусам эрчимтэй цэвэрлэгээ хийнэ. хэмээн хэллээ.
Үүний дараа сэтгүүлчдийн асуусан цөөн хэдэн асуултанд хариулт өглөө.
-Таныг Эрдэнэтэд шахаа хийсэн гэсэн мэдээлэл хийлээ. Бас хоёр Анхбаяр гэсэн хүний талаар хэллээ?
-Миний хүү Анхбаярын тухай нэг юм гараад, учир нь олдоод олон нийт ойлгосон. 42 саяын Анхбаяртай холбоотой мэдээллийг би мэдэхгүй. Ажлын хэсгийг би огт сольж байгаагүй. Харин одоо бол солино. Захиалагчийг нь олоогүй байж хүн захиалгаар алсан гэж шийтгэнэ гэж юу байсан юм бэ. Тагнуул биш гэдгийг нь нотолчихсон шүүхийн шийдвэр надад байна. Нэгдүгээрт Нямдоржийг гадаадын тагнуул гэж гүтгэсэн байна. хоёрдугаарт, гүтгэсэн байна гэж шийдсэн шүүхийн шийдвэр надад байна.
-Яагаад нөхцөл байдал ийм болчихов оо. ТЕГ-ын дарга нь ХЗДХ-ийн сайдынхаа талаар мэдээлэл хийж байна?
-Хуулийнхан толгой дээр гарч, Элбэгдорж улсыг түйвээсний илрэл л энэ. Далдуур дээрэм хийдэг, төрийн толгой дээр гарсан. Өнөөдөр Хурц хурал хийснээрээ өөрийгөө юу хийж байсныгаа илчиллээ. Би энийг цэвэрлэнэ.
-Дамирангийн Энхбатыг хулгайлж ирсэн асуудалтай холбоотой юу?
-Д.Энхбатыг хулгайлж ирсэн хүн чинь Б.Хурц шүү дээ.
-Та тэр үед сайд нь байсан?
-ТЕГ-ын үйл ажиллагаа надад мэдэгдэхгүй л дээ. Тэр байшин дотроо бүх зүйл нь нууц явагддаг юм.Европоор дамжуулж хулгайлах, тариа хийсэн зэргийг зохион байгуулсан хүн шүү дээ.
-Та айж байна уу, хамгаалалт авах уу?
-Би ямар ч хамгаалалт авахгүй. Тавилангаараа болог. Өөрийнхөө мэддэг хүрээнд энэ муухай хуйвалдааны сүлжээнд орсон хүмүүсээс цагдаагийн байгууллагыг маш хурдан цэвэрлэнэ.
-Хуулийн байгууллагуудын бүх дарга нарыг солих уу та?
-Солино оо, солино.
