Өнөөдөр ТЕГ-ын дарга Б.Хурц талийгаач С.Зоригийн хэрэг болон ХЗДХ-ийн сайд Ц.Нямдоржийн талаар нэлээд ширүүхэн хэвлэлийн бага хурал хийлээ. Түүний араас ХЗДХ-ийн сайд Ц.Нямдорж мөн л хариулт өгсөн мэдээлэл хийлээ. Өнөөдрийн гол сэдэв ТЕГ-ын дарга Б.Хурц, ХЗДХ-ийн сайд Ц.Нямдоржийн нарын хийсэн мэдээлэл байлаа. Олны анхаарлыг татаж байгаа эдгээр хоёр эрхэмийн хийсэн мэдээллээс ОНЦЛОХ ИШЛЭЛ-ийг бэлтгэн хүргэж байна.
Ц.Нямдорж: Энхбатыг хулгайлж ирсэн хүн чинь Б.Хурц шүү дээ
- Миний хүү Анхбаярын тухай нэг юм гараад, учир нь олдоод олон нийт ойлгосон.
- 42 саяын Анхбаяртай холбоотой мэдээллийг би мэдэхгүй.
- Ажлын хэсгийг би огт сольж байгаагүй. Харин одоо бол солино.
- Захиалагчийг нь олоогүй байж хүн захиалгаар алсан гэж шийтгэнэ гэж юу байсан юм бэ.
- Тагнуул биш гэдгийг нь нотолчихсон шүүхийн шийдвэр надад байна. Нэгдүгээрт Нямдоржийг гадаадын тагнуул гэж гүтгэсэн байна. хоёрдугаарт, гүтгэсэн байна гэж шийдсэн шүүхийн шийдвэр надад байна
- Хуулийнхан толгой дээр гарч, Элбэгдорж улсыг түйвээсний илрэл л энэ.
- Далдуур дээрэм хийдэг, төрийн толгой дээр гарсан.
- Өнөөдөр Хурц хурал хийснээрээ өөрийгөө юу хийж байсныгаа илчиллээ. Би энийг цэвэрлэнэ.
- Энхбатыг хулгайлж ирсэн хүн чинь Б.Хурц шүү дээ.
- ТЕГ-ын үйл ажиллагаа надад мэдэгдэхгүй л дээ. Тэр байшин дотроо бүх зүйл нь нууц явагддаг юм
- Европоор дамжуулж хулгайлах, тариа хийсэн зэргийг зохион байгуулсан хүн шүү дээ.
- Би ямар ч хамгаалалт авахгүй. Тавилангаараа болог.
- Өөрийнхөө мэддэг хүрээнд энэ муухай хуйвалдааны сүлжээнд орсон хүмүүсээс цагдаагийн байгууллагыг маш хурдан цэвэрлэнэ.
- Зул бөхөхийнхөө өмнө жаахан бамбарлаж асдаг. Тэр л болж байгаа болов уу гэж бодож байна.
- Би УИХ-д байр сууриа хэлсэн. Намд үйлчилдэг хууль хяналтынхныг илчилнэ гэж.
- Тэр бүлэглэлийн гол зохион байгуулагч нь Б.Хурц л даа.
- Солигдохоо мэдчихээд тэгж байна.
- Энэ асуудал өнөөдөр шийдэгдэнэ. Нэг цагийн дотор амжиж энэ асуудал шийдэгдэнэ.
- Эрдэнэтийн 49 хувийг ийш тийш болгох ажиллагаанд Б.Хурц оролцсон. Эрдэнэбилэг гэдэг хүний хуурай дүү. Ийм оролцоотой юм.
- Эрдэнэтийн асуудлаар шийдвэр гаргахаас урьтаж ийм мэдээлэл хийж байна.
Б.Хурц: Цэндийн Нямдорж гэж хүн гадны тусгай албатай холбоотой байсан уу, үгүй юу
- Ц.Нямдорж гуай С.Зоригийн хэргийг дандаа цагдаагаас салгаж ирсэн.
- Ц.Нямдорж гэж хүн энэ ажлын хэсгийг дөрвөн удаа тараасан. Улс төрийн зорилгоор.
- Ц.Нямдорж гуай сайд болохоороо дандаа Тагнуулын байгууллагаар оролдож эхэлдэг.
- Энэ хүн өөрөө хууль зөрчдөг. Одоо тэр нь эхэлж байна.
- Ц.Нямдоржид Н.Алтанхуяг, Д.Дорлигжав гэсэн бүлэглэл бий.
- Тэд Эрдэнэтэд 42 сая ам.доллах шахаа хийсэн баримт бий.
- 2004, 2005, 2006 онуудад энэ хүн Эрдэнэтэд Анхбаяр гэдэг этгээдээр дамжуулж 42 сая долларын бараа нийлүүлсэн байдаг.
- Улс төр болон бусад зорилгоор Ц.Нямдорж нөлөөлж байна.
- Өмнө нь сайд байхдаа юу хийж байсан, сайд болохоороо юу хийдэг вэ гэвэл хэн нэгнээр хууль санаачлуулж, өргөн барьдаг.
- Сайд байхдаа Эрдэнэтийн асуудлаар Д.Дорлигжав 800 гаран мянган ам.долларын асуудалд орж тэр хэрэг замхарсан.
- Цэндийн Нямдорж гэж хүн гадны тусгай албатай холбоотой байсан уу, үгүй юу. Энэ хэргийг бид буцаж шалгасан.
- Энэ хэргийг бид нууцлалын зэргээс гаргаж болохоор болсон гэж үзэж байгаа.
- Бид энэ асуудлаар баримтат кино хийж гадны тусгай албадаас сэрэмжлүүлэх хэрэгтэй юм байна.
- 42 баримт алдагдсан нь үнэн. Тиймээс энэ хэргийг бид шалгаж байгаа.
- Хүүхэд нь Анхбаяр, хуурай дүү Анхбаяр гэж хоёр Анхбаяртай Ц.Нямдорж гэж хүн холбогдож байгаа.
- Нэг Анхбаяртай холбоотой офшорын асуудал яригдаж байна. Энэ нь хүү биш хуурай дүү Анхбаяр нь офшорын асуудалтай холбогдоод байгаа шүү.
- С.Зоригийн хэргийн захиалагчид холбогдох хэрэг дуусаагүй.
- Хэргийг шалгаж дуусаагүй байхад хэргийн материалыг ил гаргаад тавьчихвал юу болох билээ.
- Баримтаа гаргаад тавих боломжгүй
- Ц.Нямдорж гэж хүн хоёрхон л асуудал ярьж байгаа. Өөрөө Эрдэнэтэд шахааны бизнестэй.
