54.9 тэрбум төгрөгийг төрийн албан хаагчдад нэг удаа нөхөн олговор өгөх саналыг Засгийн газар боловсруулсан. Энэ талаар Сангийн сайд Ч.Хүрэлбаатар тайлбарлахдаа “Өмнөх Засгийн газар Нийгмийн гурван талт хэлэлцээр байгуулж, цалинг үе шаттай нэмэхээр амласан. Гэвч энэ амлалтыг хэрэгжүүлбэл ОУВС-гийн өмнө хүлээсэн үүргээ зөрчихөд хүрэх юм. Тиймээс нэг удаагийн нөхөн олговор олгохоос өөр арга одоогоор алга. Тэгээд ч сүүлийн жилүүдэд төрийн албан хаагчдын цалинг огт нэмээгүй, инфляц эргээд өсөх хандлагатай байна” гэв. Санал хураалт явуулахад хуралдаанд оролцсон 55 гишүүний дийлэнх дэмжсэн. Тэгвэл 300 мянган төгрөгийн тэтгэлэг олгох болсныг багш нар эсэргүүцэж, өлсгөлөн зарлахаар шийджээ. Энэ асуудлаар өнөөдөр 12.00 цагт MNBC телевизийн байрны Live Conference төвд сэтгүүлчдэд мэдээлэл хийхээр болсон байна.
